Acts 7:2 - Sa Ugud Apudyus

² Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Acts 7:2 Iomraidhean Croise

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 12:41

Imbagan Profeta Isaiah da anna te innilana ḵinadayaw Jesus woḵ inugudna bos mipanggob ḵan siya.

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Acts 23:7

Imbagana ḵad ay sadi, insaḻad da Pharisee ya da Sadducee we nansosongbat woḵ nanggogwa ḵasomsomḵanda.

Acts 7:1

Pun ḵanan ni ḵangatuwane padi ye nangimus ḵan Stephen, “Tuttuwa ḵamman da sanae ipabasuḻda ḵan siḵa?”

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 11:8

Gapu si pammatin Abraham, tinuttuwana'ḵ Apudyus si nangayagana ḵan siyae umoy si ili ye inkarin Apudyus ḵan siyae tawidona. Tinenana mismu we ilina taḵon ay nu adinapun igammu nu dinu ayana.

James 2:1

Susunudḵu ḵan Kristu, adiyu laḵlaḵsigon da tagu nu amati ḵayu ḵan Apu Jesu Kristu we madaydayaw ḵan ḵangatuwane Apu.

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”