Acts 6:5 - Sa Ugud Apudyus

⁵ Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Acts 6:5 Iomraidhean Croise

Matthew 23:15

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te andoḻdoḻmang ḵayu'tta baybaye umoy atta adayu we ili ta awad awisonyu'ḵ taḵon ay ossaan ta ambalin aḵ disipuluyu. Ḵad nu gangputonyu tuttuduwan sadi ye tagu, nambalin aḵ lawwelawweng ḵad amo madusa'd infiernu nu sa madusaanyu.

Acts 11:19

Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus.

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 11:22

Dingngoḻ ḵad da namati ye magimugimung ad Jerusalem da naḵwa, imbuunda'ḵ Barnabas ad Antioch.

Acts 11:24

Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.

Acts 11:26

Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.

Acts 11:27

Sa sadi ye timpu, nan-osog da udume profetan Apudyus ad Antioch we naḻpu'd Jerusalem.

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Acts 21:8

Mabigatpun tinenanni'd Ptolemais woḵ ummoy ḵani'd Caesarea. Inninggaw ḵani sidi si boḻoy Philip we osa'tta angiwaḻagawag si Ambaḻu we Damag. Siya osa'tta pitu we nadutuḵan ad Jerusalem we bumadang atta apostol.

Acts 22:20

Sa nangongatanda ḵan Stephen we nanaḵdoḻ si mipanggob ḵan siḵa, tinataḵdogaḵe mismu we nanaḵdoḻ ya nanguwaḻda'tta silup da nangongat ḵan siya.’

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

Acts 6:8

Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu.

Acts 7:1

Pun ḵanan ni ḵangatuwane padi ye nangimus ḵan Stephen, “Tuttuwa ḵamman da sanae ipabasuḻda ḵan siḵa?”

Revelation 2:15

Awad os ḵan diḵayu da angunud si tuttudun Nicolaus.

Revelation 2:6

Yaḵon awad de maḻyadaḵ si mipanggob ḵan diḵayu, sasangngaanyu ḵoon da angunud atte tuttudun Nicolaus we sa sasangngaaḵ os.