Acts 6:11 - Sa Ugud Apudyus

¹¹ Pun sa ḵingwada, pinasuḵsuḵanda da udume laḻaḵi ta pabasuḻonda ḵanane, “Dingngoḻni ye nan-ugud aḵ Stephen aḵ misullagi ḵan Moses ya aḵ Apudyus.”

Acts 6:11 Iomraidhean Croise

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 9:29

Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”

Acts 15:21

Te igammun da tagu si losane ili mipanggob si lintog Moses nisaḻad si awe te nibasabasa si umillongan da Judyu atta sinagoga taḵu ya niwaḻagawag da ugudna'tta ḵinailin di ili.”

Acts 18:6

Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Acts 21:28

pun ḵanandae simbobogga, “Diḵayu we ganaḵ Israel, bumadang ḵayu! Annaya tagu we ummoy nangituttudu'tta losane tagu'tta ḵinailin di ili ye sumullagi ḵan ditaḵu we Judyu, sa lintog taḵu ya sa templo. Ḵad amo ummoyna ḵinaissawan templo taḵu te inniyoyna da udume Gentil sidi.”

Acts 25:3

Nandagdaguda ḵan Festus we ipaulida'ḵ Paul ad Jerusalem te sa planuda umoyda bangabangon si daḻan ta gongatonda.

Acts 25:7

Dummatong ḵad aḵ Paul, naaligummu da Judyu ḵan siyae naḻpu'd Jerusalem woḵ insaḻaddae nan-ibaga'tta adu we andagsone ipabasuḻda ḵan siyae adidapun mapanoḵnoḵan.

Acts 26:11

Nangampigae ummoyaḵ atta losane sinagoga ya dam-oḵ dinusa da namati. Ḵad pinatutḵu dida an-ugudon aḵ lawweng atte mipanggob ḵan Jesus gapu ta amod de sangaḵ ḵan dida. Nampaḵaḻamoḵ dida taḵon ay da adaddayuwane siyudad da Gentil.”

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Acts 6:12

Pun pinasangada da tagu, da pallakayon da Judyu ya da mimistulun ni lintog. Pun dinoḵmaanda'ḵ Stephen woḵ inniyoyda si sinagung da ḵuḵunsisaḻ.

Acts 6:13

Nan-ayagda'ḵ tagu'ḵ anaḵdoḻ ya an-ugudonda'ḵ tuli si mipanggob ḵan siya woḵ ḵananda, “Sa annae tagu adinapun paat agaye an-ugud si misullagi si annae templo ya sa lintog Moses.

Romans 3:8

Ḵad ngaipa taḵu adi ḵoon lawweng ta itoḵwaḻna ambaḻu? Awad da udume tagu we paḻawengonda saḵone ibagabagadae imbagaḵ da anna yaḵon daḵampun aḵ tuttuwa. Pun labbongnae madusada.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.