Acts 5:9 - Sa Ugud Apudyus

⁹ Ḵanan Peter, “Ngaipayu we an-asawa antuḻagane padason Ispiritun Apu? Dongngom, ḵodoḵodog da babaḻu atte sawange ummoy nangilibon ḵan asawam. Ḵad asida bos siḵa adangoyon ilawa.”

Acts 5:9 Iomraidhean Croise

Matthew 4:7

Ḵanan Jesus, “Adiḵpun te nigili'tte Ugud Apudyus, ‘Adim padason aḵ Apu we Apudyusnu we ipailana ḵan siḵa ayyuwanna.’ ”

Luke 16:2

Pun impaayag ni baḵnang woḵ ḵanana ḵan siya, ‘Ngai dingngoḻḵu we mipanggob si nanangtanggaam atta ḵuḵuwaḵ? Idatongnu listaan da tinangḵonam te ḵaanoḵ siḵa si ḵewaaḻnu.’

Acts 15:10

Sinsadi, ngaipayu padason aḵ Apudyus atte angibag-anyu we ḵasapuḻane tuttuwaonda da losane ugali taḵu? Te taḵon ay da danaḵḵoḻ taḵu ya ditaḵu sinsana, aditaḵupun lamog tuttuwaon dida.

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

1 Corinthians 10:9

Adi taḵu bos pappadason aḵ Kristu we isun ni ḵingwan da udum ḵan dida woḵ nanḵaḵatoyda gapu'tte ḵotob da uḻog.