Acts 5:13 - Sa Ugud Apudyus

¹³ Da adipun namati maḵimutdae umoy midoga ḵan dida. Yaḵon patgan da tagu dida.

Acts 5:13 Iomraidhean Croise

Luke 19:48

Yaḵon ippun inonda te da losane tagu, pipiondae anodongngoḻ atta losane ibagana.

John 12:42

Yaḵon taḵon ay nu ḵatti, namati da adu we papangat da Judyu ḵan Jesus. Yaḵon insilibda te maḵimutda'tta Pharisee. Ta adida mapaḻyaw atte sinagoga.

John 19:38

Naabus ḵad sadi, ummoy ḵan Pilate aḵ Joseph we iyArimathea we osa'tta disipulun Jesus yaḵon illimodna te maḵimut atta Judyu. Pun ḵindawna ḵan Pilate nu maḵwae opasona ladag Jesus atte kros ta itallayna. Iyyunud Pilate woḵ ummoyna impas ladag Jesus woḵ intallayna.

John 9:22

Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.

Acts 19:17

Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Acts 5:26

Pun ummoy ni kapitan ya da guwaḻdan ni templo innaḻa dida. Yaḵon adidapun pinatut dida te maḵimutda'ḵ batuwon da tagu dida inggana'ḵ matoyda.

Acts 5:5

Dingngoḻ ḵad Ananias imbagan Peter, napittuwaḵ woḵ natoy. Pun nillumnoḵ da babaḻu woḵ binusdungda'tte luput long-agna woḵ ummoyda illibon. Da losane nangngoḻ atta naḵwa ḵan siya amod de ḵimutda.

2 Corinthians 10:15

Ḵad adinipun isḵaḻ ḵingwan da udum yaḵon isḵaḻni bos da impaḵwan Apudyus ḵan diḵani. Namnamaonni ye pumigsapigsa oḵyan pammatiyu ta awad badangni ye angwa'tta udume paḵwan Apudyus ḵan diḵani,