Acts 4:7 - Sa Ugud Apudyus

⁷ Pun da Peter ḵan John pinataḵdogda dida si sinagungda woḵ ḵanandae nanumaḻya ḵan dida, “Dinu naḻpuwan ni ḵabooḻanyu ya ngai singngadan atte inusaryu we nangwa si anna?”

Acts 4:7 Iomraidhean Croise

Matthew 21:23

Pun nipauli'ḵ Jesus si paway ni templo. Nantuttudu ḵad, nandatdatong da papangat da papadi ya da pallakayon da Judyu woḵ ḵanandae nan-imus ḵan siya, “Ngai ḵaḻabbongame angwa'tta sana? Ḵad ngai nangitod ḵan siḵa si annae ḵaḻabbongam?”

Mark 11:28

Ḵanandae nangimus ḵan siya, “Ngai ḵaḻabbongame nangwa'tta ḵaḵna? Ngai nangitod ḵan siḵa si annae ḵaḻabbongam?”

John 2:18

Innilan ḵad da papangat da Judyu ḵingwana ḵananda, “Ngai sinyale ipailam ḵan diḵani ta panoḵnoḵame anna ḵaḻabbongame angwa'tta ḵaḵna?”

John 8:3

Pune sadi, indatong da mimistulun ni lintog ya da Pharisee bubai ye naodasane naḵadagdagas. Ḵingwada ḵad, pinasiḵadda'tte sinagung da tagu,

John 8:9

Dingngoḻda ḵad ay insongbat Jesus, nasin-ossadae ummoyon, ummuna da anḵamaḻong-ag. Pun ummabus aḵ Jesus ya sa bubai ye sisiḵad.

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 4:6

nidoga'ḵ Annas we ḵangatuwane padi ya aḵ Caiaphas, John, Alexander ya da udume agin ni ḵangatuwane padi.

Acts 4:8

Pun naittan aḵ Peter atte ḵabooḻan ni Ispiritu Santu woḵ ḵanana, “Diḵayu we papangat ya pallakayon,

Acts 5:40

Pun tinuttuwan da ḵuḵunsisaḻ imbagan Gamaliel. Inayaganda ḵad da apostol, impaaplitda dida. Pun imbilinda bose adida an-ugud si mipanggob si ngadan Jesus woḵ puḵayanda dida.