Acts 4:21 - Sa Ugud Apudyus

²¹ Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Acts 4:21 Iomraidhean Croise

Matthew 15:31

Ḵatti ḵad naḵwa, sintataag da tagu we nangila'tta naumoḻe an-ugud, da nabaḵawoge nipaḻ-og da imada, da napilaye nanaddaḻan ya da naḵuḻape maḵaila. Pun indaydayaw da ganaḵ Israel aḵ Apudyus.

Matthew 21:46

Pun pionda oḵyane doḵmaan aḵ Jesus yaḵon siya iyogyatda da tagu te imbelangda'ḵ Jesus we profeta.

Matthew 26:5

Yaḵon ḵananda, “Adi taḵu iyaspuḻ si gayagaya ta adi magulu da tagu.”

Matthew 9:33

Pinaḻyaw ḵad Jesus aḻan, insaḻad ni naumoḻe gumminga. Pun sintataag da adu we tagu woḵ ḵananda, “Ippun paat naila'ḵ naḵwa'd Israel aḵ isun ni sana si awe inggana sinsadi!”

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Luke 13:17

Pun da losane sumullagi ḵan Jesus nababbainanda'tte sanae songbatna ya amod de layad da ḵaaduwane tagu'tta losane nakaskasdaawe ḵingwana.

Luke 20:19

Dingngoḻ ḵad da mimistulun ni lintog ya da papangat da papadi sanae pani, pionda doḵmaane dagus aḵ Jesus te inigammudae inugudna pani'ḵ mibusuḻ ḵan dida. Yaḵon naḵimtanda'tta tagu.

Luke 20:6

Yaḵon nu ḵanan taḵu we, ‘Naḻpu'tta tagu,’ aaddi ye batubatuwon ditaḵu'tta losane tagu inggana'ḵ matoy taḵu te pinatin da losane profeta'ḵ John.”

Luke 22:2

Ḵad da papangat da papadi ya da mimistulun ni lintog singsingtonda inondae ampagongat ḵan Jesus we adi maigammu te maḵimutda'tta tagu.

Luke 5:26

Pune sadi, nataag da inninggaw sidi ye tagu ḵan naḵimtanda'tta innilada woḵ ḵanandae nangidaydayaw ḵan Apudyus, “Atopay! Nakaskasdaaw pagay innilani sinsadi!”

Acts 4:17

Yaḵon sa ḵoon taḵu ta adida ogon iyasaḵ atta tagu, ḵoḻḵogon taḵu dida ta adida pagapagatupane angug-uggud atta tagu si mipanggob si ngadan Jesus.”

Acts 4:22

Sa sadi ye tagu we naḵaan pilayna lummabose opatpuḻu tawonna.

Acts 5:13

Da adipun namati maḵimutdae umoy midoga ḵan dida. Yaḵon patgan da tagu dida.

Acts 5:26

Pun ummoy ni kapitan ya da guwaḻdan ni templo innaḻa dida. Yaḵon adidapun pinatut dida te maḵimutda'ḵ batuwon da tagu dida inggana'ḵ matoyda.

Acts 5:40

Pun tinuttuwan da ḵuḵunsisaḻ imbagan Gamaliel. Inayaganda ḵad da apostol, impaaplitda dida. Pun imbilinda bose adida an-ugud si mipanggob si ngadan Jesus woḵ puḵayanda dida.