Acts 4:17 - Sa Ugud Apudyus

¹⁷ Yaḵon sa ḵoon taḵu ta adida ogon iyasaḵ atta tagu, ḵoḻḵogon taḵu dida ta adida pagapagatupane angug-uggud atta tagu si mipanggob si ngadan Jesus.”

Acts 4:17 Iomraidhean Croise

Matthew 27:64

Pun ambaḻu oḵyan nu paguwaḻdam libonna'tta suḻdadu inggana si miḵaḵlu we aḻgaw, umoy ḵappay da disipuluna aḵawon ladagna ya ibagadae ummuli ye natoy. Ḵad amo maḵaallelaw anungus ni maḵwa nu sa ummuna.”

Matthew 9:30

Pun daguse naḵaan da ḵuḻapda. Unipun binilibilin Jesus dida woḵ ḵanana, “Adiyu ibaga'tta ngaiman sadi ye ḵingwaḵ.”

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Acts 5:24

Dingngoḻ ḵad ni kapitan da guwaḻdan ni templo ya da papangat da papadi imbagada, nasaliduduwanda si mipanggob atta apostol woḵ mataagda nu ngai umasi ye maḵwa ḵan dida.

Acts 5:28

Ḵanana, “Binilibilinni diḵayu we adiyu ituttudu mipanggob atte ngadan ni annae tagu. Yaḵon amo impaigammuyu si intero we Jerusalem ya ipabasuḻyu bos ḵan diḵani natoyana.”

Ephesians 6:9

Ḵan diḵayu bose ap-apuwonda, ḵasapuḻan ose ambaḻu ḵayu'tta musassuyu. Adiyu ḵoḻḵogon dida te igammuyu we sa antotollong Apuyu ad langit, an-iisu ḵayu'tta musassuyu ḵad ippun laḵsigona'ḵ tagu.

1 Thessalonians 1:8

Te daḵampun aḵ abus ad Macedonia ya ad Achaia aḵ nandinongoḻan ni ugud Apu we iwwaḻagawagyu. Yaḵon nandinongoḻ os pammatiyu ḵan Apudyus atta losane ili. Pun ngaipani lawa ugudon ḵan dida mipanggob atte pammatiyu?

1 Peter 2:23

Inang-angyagda ḵad, adipun os ummang-angyag. Nampaḵaḻamonda ḵad, adinapun inḵoḻkog dusa ḵan dida yaḵon nantaḻgod ḵan Apudyus we naun-unan anḵuḵuwisna.