Acts 3:19 - Sa Ugud Apudyus

¹⁹ Pune sadi, ibabawiyu da basuḻyu ya agayyu we angwa ta mapakawan ḵayu.

Acts 3:19 Iomraidhean Croise

Matthew 13:15

Te tummungitong da somsomoḵda. Antuḻtullongda ta adida dongngon da ḵatuttuwaan ya ḵimitonda bos da atada ta adida maḵaila, te nu maḵadongoḻda, maḵailada ya maḵaawatda ḵad ansinagungda ḵan saḵon ta pakawanoḵ da basuḻda.’ ”

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Luke 1:16

Sa maḵwa ḵad, adu da dogayu we ganaḵ Israel we ipaulina ḵan Apu we sa Apudyusda.

Luke 22:57

Yaḵon ḵanan Peter we namuḵlit, “Naippun igammuḵ ḵan siya.”

Acts 1:6

Nandatdatong ḵad ḵasin da apostol ḵanandae nangimus ḵan Jesus, “Apu, sinsana ḵamman amaḻyawam atta iRome we angipangat ḵan ditaḵu ta ditaḵu we ganaḵ Israel ampangat?”

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 11:21

Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 17:26

Aḵ Apudyus nangwa si ummunae tagu we sa naḻpuwan da losane kalasin di tagu'tte ḵinailin di ili si luta ya ḵingwana dida'ḵ inggaw si intero we luta. Inḵoddongna bos timpu ya da boddong da lugar we igawda.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 28:27

Te da sanae tagu, tummungitong da somsomoḵda. Antuḻtullongda'tte ḵatuttuwaan ya ḵimitonda da atada. Uni ḵad ya maḵwae maḵailada, maḵadongoḻda ya maḵaawatda. Ḵad nu ansinagungda ḵan saḵon ḵaanoḵ da saḵitda.’

Acts 3:20

Te nu ḵoonyu da sadi, ittan Apudyus diḵayu'ḵ lumin-awaan ni somsomoḵyu ya ibuunna bos ḵasin aḵ Jesus we Kristu.

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

2 Thessalonians 1:10

Sa aḻgaw ḵad ose umaliyanae sa madayawana'tta taguna, mataagda losane namati'tte ḵinaapudyusna. Ḵad mibelang ḵayu bos ḵan dida te pinatiyu Ugud Apudyus we tinaḵdoḻanni ḵan diḵayu.

2 Thessalonians 1:7

Sa sadi bose timpu, paginḵon Apudyus da ampaḵaḻaman taḵu we sana. Ḵoona da sana nu ampaila'ḵ Apu Jesus atte umaliyana ḵasine maḻpu'd langite buḻunna da maḵabooḻe anghelna.

2 Timothy 2:25

ya ḵasapuḻane ummanae antuttudu'tta sumullagi si tuttuwae tuttudu ta ittan Apudyus dida'ḵ wayadae ambabawi'tta basuḻda ya agaydae angwa ya igammuwonda ḵatuttuwaan.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

1 Peter 2:25

Te sa awe, nalimu taḵu we isun da karnero yaḵon sinsadi annae nipauli taḵu ḵan Kristu we angaayyuwan atta ḵalidodwa taḵu.

2 Peter 3:8

Yaḵon annaya ḵasapuḻane adiyu maliwatan, ay-ayatoḵe buḻbuḻun. Sa ḵasomsomḵan Apudyus atte ḵaandun ni sin-aḻgawe abus, isuna sillibu we tawon ya sa sillibu we tawon isuna sin-aḻgaw.

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”