Acts 3:15 - Sa Ugud Apudyus

¹⁵ Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

Acts 3:15 Iomraidhean Croise

Luke 24:48

Diḵayu we mismu anaḵdoḻe ḵatuttuwaan da innilayu.

John 1:4

Siya naḻpuwan ni biyag ya sa sanae biyag siya anilaw atta somsomoḵ da tagu.

John 10:28

Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 17:2

Te innatodnu ḵan saḵon ḵaḻabbongane angipangat atta losane tagu ta ittoḵ biyag aḵ inggana'tta losane innatodnu ḵan saḵon.

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 5:26

Aḵ Amaḵ, siya angitod si biyag ḵad innatodna bos ḵan saḵone Abengna ḵaḻabbongaḵe angitod si biyag.

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Acts 4:2

Summangada te intuttudun da Peter ḵan John we ummuli'ḵ Jesus ya iwwaḻagawagdae umuli da losane natoy.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

1 Corinthians 15:45

Te sa nigili ye Ugud Apudyus ḵanana, “Sa ummunae tagu we aḵ Adam, innattan Apudyus aḵ biyag,” yaḵon aḵ Jesu Kristu we maawagan aḵ naudi ye Adam, siya Ispiritu we angitod si naispirituwane biyage ippun anungusna.

Ephesians 1:20

impailana si nanaguwana ḵasin ḵan Kristu ya sa nangipangatuwana ḵan siya'd langit woḵ pinatuḵduna si madawinannae maḵapangat ḵan siya.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 2:10

Ustu'ḵ Apudyus we nangwa ḵan nangayyuwan atta losan ḵad ḵingwana'ḵ Jesus aḵ gattoḵe pangat mipagapu'tte nampaḵaḻamana te pionae adu da ambalin aḵ abengna ta midogada si ḵinangatuna. Te aḵ Jesus angidaḻan ḵan dida si mataguwanda.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 21:6

Pun ḵanana, “Losan atta anna, nituttuwada. Saḵon nangadanan aḵ Alpha ḵan Omega, piona ḵanan, saḵon laplapu ya anungus ni losan. Ittoḵ atta mauwawe tagu danume naḻpu si bubune angitod si biyag aḵ ingganae ippun bayadna.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:17

Ḵanan ni Ispiritu ya da tagunae mipani si asaw-on ni Ubbu we Karnero, “Awwaynu.” Ḵad ḵanan oḵyan os ni andodongngoḻ, “On, awwaynu.” Ngaimane mauwaw, umali oḵyan ta uminum atte libli ye danume angitod si biyag.