Acts 22:5 - Sa Ugud Apudyus

⁵ Ḵad maḵwae panoḵnoḵan ni ḵangatuwane padi ya da losane ḵuḵunsisaḻ we pallakayon da Judyu we tuttuwa sadi te didae mismu nangidagas ḵan saḵon atte suḻat ta iyoyḵu'tta susunud taḵu we iyIsrael ad Damascus. Pun ummoyaḵ sidi ta andoḵmaaḵ atta namati ḵan Jesus ya pusasaḵ dida ya iyoyḵu dida'd Jerusalem ta madusada.

Acts 22:5 Iomraidhean Croise

Luke 22:66

Anna ḵade pumadda, inniyoyda'ḵ Jesus atte igaw da ḵuḵunsisaḻ we nandaḵdaḵngan da pallakayon da Judyu, da papangat da papadi ya da mimistulun ni lintog.

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 13:26

“Susunudḵu we ganaḵ Abraham ya diḵayu we Gentil we angisipog ḵan Apudyus, ditaḵu nangittan Apudyus si ugudnae mipanggob si anaguwana ḵan ditaḵu.

Acts 2:29

Pun ḵanana, “Susunudḵu we ganaḵ Israel, antaḻgodaḵe angipaigammu ḵan diḵayu we aḵ Ari David we daḵdaḵoḻ taḵu natoy woḵ nilibon. Ḵad sa libonna awad ḵan ditaḵu inggana sinsanae aḻgaw.

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 26:10

Pun sadi dam-oḵ ḵingwa'd Jerusalem. Adu da tagun Apudyus we imbaḻudḵu si nangittan da papangat da papadi si ḵaḻabbongan ḵan saḵon. Ḵad nu ḵoddonganda osae tagu'ḵ matoy, iyyunudḵu matoyana.

Acts 26:11

Nangampigae ummoyaḵ atta losane sinagoga ya dam-oḵ dinusa da namati. Ḵad pinatutḵu dida an-ugudon aḵ lawweng atte mipanggob ḵan Jesus gapu ta amod de sangaḵ ḵan dida. Nampaḵaḻamoḵ dida taḵon ay da adaddayuwane siyudad da Gentil.”

Acts 26:12

Pinagatupan Paul woḵ ḵanana ḵan Ari Agrippa, “Sadi gapunae ummoyaḵ ad Damascus we innawitḵu suḻate naḻpu'tta papangat da papadi ye nangitod atte ḵaḻabbongaḵe anoḵma'tta ngaimane namati ḵan Jesus.

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Acts 28:21

Pun ḵananda ḵan siya, “Ippun inawatni'ḵ suḻat aḵ naḻpu'tte probinsiya'd Judea si mipanggob ḵan siḵa. Taḵon ay os da susunude ganaḵ Israel we ummali sina, naippun os imbagada'ḵ ngaimane lawweng mipanggob ḵan siḵa.

Acts 3:17

“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda.

Acts 4:5

Mabigat ḵad, nadagup da papangat, da pallakayon da Judyu ya da mimistulun ni lintog ad Jerusalem,

Acts 5:21

Dingngoḻda ḵad sana, nillumnoḵda si templo atte wiḵwiḵis woḵ nantuttududa. Dummatong ḵad de ḵangatuwane padi ya da buḻunna, inayaganda da ḵuḵunsisaḻ ya da losane pallakayon ad Israel. Pun imbuunda da guwaḻdan ni templo ta umoyda aḻan da apostol atte babaḻḻudan.

Acts 9:14

Ḵad annae ummali sinae naittan aḵ ḵaḻabbongane naḻpu'tta papangat da papadi ta andoḵma'tta losane anḵodaw aḵ ḵadagu ḵan Apu.”

Galatians 1:13

Dingngoḻyu nantataguḵ si nangunudaḵ atta ugalin da Judyu nu ngai inoḵe namaḵaḻam atta magimugimunge namati ḵan Apudyus ḵad inniggaḵ ḵabooḻaḵe nanadail ḵan dida.

Philippians 3:6

Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.