Acts 21:8 - Sa Ugud Apudyus

⁸ Mabigatpun tinenanni'd Ptolemais woḵ ummoy ḵani'd Caesarea. Inninggaw ḵani sidi si boḻoy Philip we osa'tta angiwaḻagawag si Ambaḻu we Damag. Siya osa'tta pitu we nadutuḵan ad Jerusalem we bumadang atta apostol.

Acts 21:8 Iomraidhean Croise

Acts 10:1

Awad ad Caesarea tagu we nangngadan aḵ Cornelius, kapitan da suḻdadun da iRome we ngannonda Regiment da iyItaly.

Acts 16:10

Nagangput ḵad sadi ye innilan Paul si in-inop, daguse nallibbat ḵani ye umoy ad Macedonia te inigammuni ye pinilin Apudyus diḵani ta iwaḻagawagni Ambaḻu we Damag ḵan dida.

Acts 16:13

Sa aḻgaw ḵade umillongan da Judyu, ummoy ḵani si lasin ni siyudad atte taḻantag ni tawwang te ḵanannipun nu siya dam-on da Judyu alluwaḻuwan. Tummuḵdu ḵani woḵ naḵaug-uggud ḵani'tta bubai ye nadagup sidi.

Acts 16:16

Sin-aḻgawan ḵad atte ayanni si luluwaḻuwan, inabotni babaḻasange musassu we allainge ampadtu te ambubuyun. Gapu'tte laingnae ampadtu, adu pilaḵe maaḻan da apuna.

Acts 18:22

Nandissaag ḵad ad Caesarea, nanagada'd Jerusalem woḵ pinakumustana da namati ye magimugimung. Naabus ḵad, nan-osog ad Antioch.

Acts 20:13

Pun ummuna ḵani nambapur we ummoy ad Assos we anagasanni ḵan Paul. Ḵaḵna imbagana ḵan diḵani te anaddaḻane umoy sidi.

Acts 20:6

Naabus ḵad de Gayagayan da Judyu we ngannonda Tinapaye Naippun Yeastna, tinenanni'd Philippi woḵ nambapur ḵani ta unudonni dida. Naḻaḵpus ḵad liman aḻgaw, asiḵaniyot dummatong atta buḻunni'd Troas woḵ inninggaw ḵani'ḵ pitun aḻgaw sidi.

Acts 21:16

Inggaw da udum atta disipulun Jesus we iCaesarea we nibuḻun ḵan diḵani. Dummatong ḵani ḵad, inniyoyda diḵani si boḻoy Mnason we iCyprus, osa'tta ummunae namati woḵ inggaw ḵani si boḻoyna.

Acts 23:23

Pune sadi, inayagan ni kumander da duwae kapitan woḵ ḵanana, “Isaganayu da duwanggasute suḻdadu, duwanggasut ose nantubay ya pitumpuḻu we angabayu ta iyoyyu'ḵ Paul ad Caesarea. Allibbat ḵayu'ḵ ḵugḵugab.

Acts 27:1

Dummatong ḵad de aḻgawe allibbatanni ḵan Paul we umoy ad Italy, impuḻangda'ḵ Paul ya da udume baḻud ḵan Julius we osa'tta kapitan da Roman army ye ngannonda “Regiment ni Emperor.”

Acts 28:11

Naḻaḵpus ḵad tuḻun buḻane inninggawanni'd Malta, nambapur ḵani si bapur we naḻpu'd Alexandria we inninggaw sidi si timpun ni ageled. Sa maḻḵana ḵad si sangu, ḵapile apudyus.

Acts 28:16

Dummatong ḵani ḵad ad Rome, iyyunuddae inggaw aḵ Paul si boḻoye maguwaḻdaan aḵ ossaane suḻdadu.

Acts 6:5

Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Acts 9:30

Inigammun ḵad da susunudna ḵan Kristu, inniyoyda'd Caesarea woḵ imbuunda'tte siyudad ad Tarsus.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.