Acts 21:13 - Sa Ugud Apudyus

¹³ Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”

Acts 21:13 Iomraidhean Croise

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 20:37

Naabusda ḵad, sin-iibildae nangawoḻ ya nangogoḵ ḵan siya,

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

1 Corinthians 15:31

Susunud ḵan Kristu, tuttuwae sasaggungoḵ ḵatoy si inaḻgaw. Ibagaḵ sana te isḵaḻḵu niyossaananyu ḵan Jesu Kristu we Apu taḵu.

Philippians 2:17

Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Philippians 2:26

yaḵon paoyonoḵ sinat te amod pagay ayuna ḵan diḵayu losan ya amod os bimbinsawna si inigammunae dingngoḻyu nasaḵitana.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

2 Timothy 1:4

Iḵagasmoḵḵu lummuwaam atte nansinaanta si awe, pun pioḵ ilan siḵa ta allaylayadaḵe ustu.

2 Timothy 4:6

Te ḵan saḵon, dummatong timpu we idatunḵu biyagḵu we isun di mainume maisig atte altar ya madam-ane tenaḵ annae lubung.

2 Peter 1:14

Te igammuḵe madam-an matoyaḵ te siya impaigammun Apu taḵu we Jesu Kristu ḵan saḵon.

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.