Acts 20:2 - Sa Ugud Apudyus

² Ummoyna ginaḵay da namati'tta ḵinailin di ili sidi ta soḻgagona dida woḵ ummoyon ad Achaia we ngannonda Greece.

Acts 20:2 Iomraidhean Croise

Luke 3:18

Ḵaḵna intuttudun John ya indogana bos da udum atte nangibag-ana ḵan dida'tte Ambaḻu we Damag.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 15:41

Pun ummoyda'tta ili'd Syria ya ad Cilicia ta umoyda papigsaon pammatin da namati atta gimung.

Acts 16:12

Lummogsad ḵani ḵad atte bapur, nanadtaddaḻan ḵani ye ummoy ad Philippi we osan siyudad atte saḵubna'd Macedonia. Sidi ummiliyan da aduadu we iRome. Pun inninggaw ḵani sidi si pigan aḻgaw.

Acts 17:1

Nangoy ḵad da Paul ḵan Silas ad Amphipolis ya ad Apollonia, dummatongda'd Thessalonica we inggaw osae sinagogan da Judyu.

Acts 17:10

Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu.

Acts 2:40

Adu we ugud imbagbagan Peter ḵan dida woḵ ḵananae nandagdagu, “Iligsiyu long-agyu si annae lunap!”

Acts 20:1

Nagangput ḵad sadi ye gulu, nandaḵdaḵngon Paul da namati ta soḻgagona dida. Unipun, nampaḵada woḵ ummoy ad Macedonia.

Acts 20:11

Pun nipauli'ḵ Paul ad ngatu woḵ binisbisaḵna tinapay woḵ ḵanonni. Naabus ḵani ḵad, pinagatupanae naḵaug-uggud ḵan dida inggana'ḵ madam-an taḻun woḵ ummoyon ḵani.

Acts 20:3

Inninggaw aḵ tuḻun buḻan sidi. Yaḵon annapun oḵyane ambapur we umoy ad Syria, inigammunae nan-uunudan da Judyu we gongatonda. Pun simsimmoḵnae mipauli angoy ad Macedonia.

1 Corinthians 4:19

Nu iyunud oḵyan Apudyus, masapaaḵe umali sinat. Ḵad sadi angil-aḵ atta sanate ansoḵaḻ, nu awad ḵabooḻanda baḵon nu abus sungadda'ḵ an-uguugud.

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.

1 Thessalonians 2:11

Te inigammuyu we binadanganni sin-ossaossa ḵan diḵayu we isun ni ambabadang ni ama'tta abengna.

1 Thessalonians 2:3

Te ippun lawweng aḵ somsomoḵni ye nangawis ḵan diḵayu baḵon nu awad siniḵapanni. Ippun os kamali'tta intuttuduni ḵan diḵayu.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.