Acts 2:9 - Sa Ugud Apudyus

⁹ Awad da udum ḵan ditaḵu we naḻpu'tta saḵubna'd Parthia, Media, Elam, Mesopotamia, Judea, Cappadocia, Pontus, Asia,

Acts 2:9 Iomraidhean Croise

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 18:2

Indasana sidi osan Judyu we iPontus we Aquila ngadanna ya aḵ Priscilla we asawana. Ḵaddatongdae naḻpu'd Italy te imbilin Emperor Claudius we tenan da losane Judyu'd Rome. Pun ummoy Paul innila dida,

Acts 19:10

napagapagatupan sana si duwan tawon. Pun losan atta ummili'tte probinsiya'd Asia nandongoḻda si Ugud Apu, Judyu baḵon nu Gentil.

Acts 19:27

Nu lawweng damag ni ḵewaaḻ taḵu si umali ye aḻgaw, ippun ngumina. Sa osa bos, ippun patog ni templon Artemis we nangatu we apudyus taḵu. Ḵad adimpun da tagu bigbigon ḵinangatun Artemis we daydayawon da tagu sina'd Asia ya sa intero we lubung, madadail os ḵinaapudyusna.”

Acts 19:31

Inggaw da udume papangat si probinsiyae buḻbuḻun Paul, nambuunda'ḵ ummoy nangibaga ḵan siya ta adi oḵyan umoy ampappaila'tte bubuyyaan.

Acts 2:8

Ngai inonae dongngon taḵu sin-ossaossa ḵan ditaḵu we an-ugud si ugudna?

Acts 20:16

Simsimmoḵ Paul we umadini ansadang ad Ephesus ta adi ḵani mataḵtaḵ sidi'tte probinsiya'd Asia te maḵamu'ḵ Paul we dumatong ad Jerusalem te nu maḵwa oḵyan, pionae sambutan Gayagayan da Judyu we ngannonda Pentecost.

Acts 20:18

Dummatongda ḵad, ḵanana ḵan dida, “Iniiggammuyu nantataguḵ si inninggawaḵ ḵan diḵayu inggan ni damu we ummaliyaḵ si probinsiya'd Asia.

Acts 20:4

Binuḻunan da Sopater we abeng Pyrrhus we iBerea ya da Aristarchus ḵan Secundus we iThessalonica. Inggaw os aḵ Timothy, Gaius we iDerbe ya da Tychicus ḵan Trophimus we iyAsia.

Acts 21:27

Anna ḵade madam-an magangput pitun aḻgaw, inggaw da Judyu we naḻpu'd Asia we nangila ḵan Paul si templo. Pun sinugsuganda da amode tagu woḵ dinoḵmaanda'ḵ Paul,

Acts 24:18

Sana ḵingwaḵ atte nangdasan da Judyu we naḻpu'd Asia ḵan saḵon atte templo atte nangangputaḵ si ugali taḵu we ampapoḻḵas. Ḵad naippun adu'ḵ tagu sidi ya naippun os nanggulu!

Acts 27:2

Nambapur ḵani ye naḻpu'd Adramyttium we umoy atta ili'tte probinsiya'd Asia. Binuḻunan diḵani ḵan Aristarchus we iThessalonica si probinsiya'd Macedonia.

Acts 6:9

Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen.

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Romans 16:5

Pakumustaonyu bos da namati ye magimugimung si boḻoydae andayaw ḵan Apudyus. Pakumustaonyu'ḵ Epaenetus we ay-ayatoḵe siya ḵaunaane namati ḵan Kristu atte probinsiya'd Asia.

1 Corinthians 16:19

Losan da gimung da namati'tta ḵinailin di ili si probinsiya'd Asia, losanda pakumustaon diḵayu sinat. Ḵad taḵon ay os da Aquila ḵan Priscilla we an-asawa ya da namati ye magimugimung si boḻoyda, sipupusuda bose ampakumusta ḵan diḵayu we susunudni ḵan Apu.

2 Corinthians 1:8

Susunudḵu ḵan Kristu, pionni ye ipaigammu ḵan diḵayu da amode nampaḵaḻamane pinadasni'tte probinsiya'd Asia. Amod de nampaḵaḻamane nilaḵ-amni sidi ye adiḵanipun ogon maḵaanus inggana'ḵ ippun ogon namnamani'ḵ mabiyag.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

1 Peter 1:1

Saḵon aḵ Peter we apostol Jesu Kristu. Annaya suḻatḵu ḵan diḵayu we tagu we pinilin Apudyus we isun di mangili si annae lubunge naas-asipaḻaḵ atta ili'd Pontus, Galatia, Cappadocia, Asia ya ad Bithynia.

Revelation 1:11

Ḵanana, “Igilim atte iblu da ilam ta idagasnu'tta pitu we gimung da namati'd Ephesus, Smyrna, Pergamum, Thyatira, Sardis, Philadelphia ya ad Laodicea.”

Revelation 1:4

Annaya suḻatḵu'tta pitu we gimung da namati'tte probinsiya'd Asia. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we inninggaw si awe, iinggaw sinsana ya aḵ inggana. Naḻpu bos atta pitu we ispiritu we inggaw si sangun ni tronona.