Acts 2:47 - Sa Ugud Apudyus

⁴⁷ Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 2:47 Iomraidhean Croise

Luke 19:48

Yaḵon ippun inonda te da losane tagu, pipiondae anodongngoḻ atta losane ibagana.

Luke 2:52

Aḵ Jesus ḵad, dummaḵoḻ ya amo nasomḵan woḵ nas-om aḵ Apudyus ya da tagu ḵan siya.

Acts 11:21

Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.

Acts 11:24

Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.

Acts 13:48

Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 14:21

Dummatongda ḵad ad Derbe, iwwaḻagawagda Ambaḻu we Damag woḵ adu da inawisdae amati ḵan Jesus. Naabus ḵad, nipaulida'd Lystra ya ad Iconium ya ad Antioch we saḵub ni Pisidia

Acts 16:5

Pun pummigsa pammatin da namati atta gimung ḵad inaḻgawe madog-adog-anda.

Acts 17:12

Pun namati da adu ḵan didae midoga da adu we Greek we laḻaḵi ya da mabigbige bubai.

Acts 2:39

Te sa annae kari para ḵan diḵayu ya da aabengyu ya da losane awad atta adayu we ili ya da losane pinilin Apudyus.”

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Acts 4:33

Gapu si amode ḵabooḻane naatod atta apostol, tinaḵdoḻandae ummuli'ḵ Apu Jesus. Ḵad amod de ḵinabaḻun Apudyus we naatod ḵan dida.

Acts 4:4

Yaḵon adu da nandodongngoḻ atte inugudda woḵ namatida. Sa belang da laḻaḵi umoye limallibu.

Acts 6:1

Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Acts 9:35

Pun losan da umili'd Lydda ya ad Sharon innila woḵ namatida ḵan Apu Jesus.

Romans 14:18

Ḵad nu ḵaḵnat inon taḵu we anserbi ḵan Kristu, mas-om aḵ Apudyus ya mapatgan taḵu bos atta asintatagu taḵu.

Romans 8:30

Ḵad da inunana pinulanu'ḵ ambalin aḵ taguna, dida da pinilina ya siya nangwa ḵan dida'ḵ naun-unan ḵad midogada bos atte midayawana.

Romans 9:27

Ḵad sa imbagan Profeta Isaiah si mipanggob atta ganaḵ Israel, ḵanana, “Taḵon ay nu amoamod da ganaḵ Israel we isunan ḵaadun da gallis atte baybay, aḵit da taguwon Apudyus ḵan dida.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.