Acts 2:21 - Sa Ugud Apudyus

²¹ Ḵad da losane tagu we anḵodaw aḵ ḵadagu ḵan Apu, mataguda.” ’ ” Ḵanan Peter sana impadtun Profeta Joel.

Acts 2:21 Iomraidhean Croise

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Acts 2:20

Sa umali ye aḻgaw gumiḵbot init ya sa soḻag ambalin aḵ daḻa, maḵwa da sana si daan ni ampatog ḵan madaydayawe mipauliyan Apu.

Acts 22:16

Sinsadi, ngai bos uwayom? Lumibbatḵa ta inḵa pabonyag ḵad iluwaḻum ḵan Apudyus ta pakawanona da basuḻnu mipagapu'tte anḵodawam aḵ ḵadagu ḵan Apu.’

Acts 9:11

Ḵanan Apu ḵan siya, “Allibbatḵa ta inḵa si ḵaḻsae ngannonda Nanggodong ḵad imusom boḻoy Judas nu awad aḵ Saul we iTarsus te awade alluwaḻu.

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

Hebrews 4:16

Ḵad antaḻgod taḵu we umadani alluwaḻu ḵan Apudyus we ampangat ad langit gapu'tte ḵinabaḻuna ta awaton taḵu ḵadagu ḵan ḵinabaḻu ḵan siyae bumadang ḵan ditaḵu si timpu we anḵasapuḻ taḵu.