Acts 2:2 - Sa Ugud Apudyus

² Baag-en dingngoḻda bunguge naḻpu'd langite isun ni bungug ni ampigsapigsae bibbid woḵ nangalliwoḵ si boḻoye nandaḵdaḵnganda.

Acts 2:2 Iomraidhean Croise

Luke 2:13

Imbagana ḵad ay, daguse nampaila da amoamode anghel we naḻpu'd langit woḵ nidogada'tte ummunae anghel pun ḵanandae nangidaydayaw ḵan Apudyus,

John 3:8

Isun ni bibbid, adipun maila yaḵon angoy atte dinuman. Dongngonyu bungug ni bibbid yaḵon naippun igammuyu si maḻpuwana ḵan ayonana. Sadi isunae naippun maila ḵan maawatan atte inon ni miyanaḵ ḵasin atte Ispiritu Santu yaḵon tuttuwae awad de ambanagana'tte biyag ni miyanaḵ ḵasin mipagapu'tte Ispiritu Santu.”

Acts 2:3

Pun innilada da isudan delae apuye nansimpa'tta sin-ossaossa ḵan dida.

Acts 2:6

Dingngoḻda ḵad sadi ye bungug, aduadu da nadagupe sintataag te dingngoḻda da namati ḵan Jesus we nan-ugud si ḵuwadae ugud.

Acts 4:31

Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.