Acts 19:9 - Sa Ugud Apudyus

⁹ Yaḵon inninggaw da udum ḵan didae tummungitong da somsomoḵda woḵ adidapun tummuttuwa gapu si adidapun namatiyan ya pinaḻawengdae nangugud si mipanggob atta angunud atta tuttudun Jesus atte sinagung da tagu. Pun tinenan Paul ya da namati dida woḵ ummoyda'tte uswilaan Tyrannus. Ḵad inaḻgawe nantuttudu'ḵ Paul sidi,

Acts 19:9 Iomraidhean Croise

Matthew 15:14

Sinnamaḻ da Pharisee te isudan naḵuḻape ipuyutda asinḵuḻapda. Ḵad nu ipuyut ni naḵuḻap asinḵuḻapna, aaddi ye maottagda losan si abut.”

Matthew 16:4

Lawwelawweng ḵayu we tagu sinsana te nan-awidanyu'ḵ Apudyus. Ipatutyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Yaḵon ippun mipaila malaksid sinyale isun ni naḵwa ḵan Profeta Jonah si awe.” Imbagan ḵad Jesus ḵaḵna, ummoyon.

Matthew 26:55

Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

John 12:40

“Ḵinuḻap Apudyus dida ya tummungitong da pusuda ta adida maḵaimatun ḵan maawatan ya ansagungda ḵan saḵon ta pakawanoḵ dida.”

Acts 11:26

Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.

Acts 14:4

Yaḵon da tagu si sadi ye siyudad, nanggogwada. Da udum ummapyuda'tta Judyu we adipun namati ya da udum os ummapyuda'tta apostol.

Acts 17:4

Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 19:23

Sa sadi ye timpu, inggaw ampaḵimute gulu'd Ephesus mipanggob atta angunud atta tuttudun Jesus.

Acts 19:30

Pion oḵyan Paul we umoy ḵan dida ta maḵaugud atta tagu yaḵon adimpun da namati iyyunud.

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

Acts 22:4

Amod nampapaḵaḻamḵu'tta nangunud atta intuttudun Jesus ya impagongatḵu da udum. Laḻaḵi ḵan da bubai, dinoḵmaaḵ ya impaibaḻudḵu dida.

Acts 24:21

abus nangidangsoḻaḵ si sinagungda woḵ ḵanaḵ, ‘Patiyoḵe umuli da natoy. Pun siya gapunae sumaḻyaonyu saḵon sinsadi.’ ”

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Acts 7:51

Pinagatupan Stephen woḵ ḵanana, “Diḵayu we tummungitong! Isuyun pagano we adipun amati ḵan Apudyus ya tuḻtuḻḻongonyu ḵatuttuwaan. Isuyu bos da danaḵḵoḻyu we pasigda sullagiyon Ispiritu Santu.

Acts 9:2

woḵ nanḵodaw aḵ suḻat atta papangat da sinagogan da Judyu ad Damascus ta andoḵma'tta ngaimane odasanae laḻaḵi baḵon nu bubai ye angunud atta tuttudun Jesus ḵad iyoyna dida ibaḻud ad Jerusalem.

Romans 11:7

Pun ngai maawatan taḵu nu? Adimpun da ganaḵ Israel indasan da singsingtonda. Yaḵon abus da pinilin Apudyus aḵ naḵaodas te da ḵaaduwan ḵan dida tummungitong da somsomoḵda.

Romans 9:18

Pun ipailan Apudyus ḵadaguna'tta ngaimane piona ḵadaguwan ya patungitongona bos da somsomoḵ da ngaimane pionae tumungitong.

1 Corinthians 16:9

Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.

1 Timothy 6:5

ya patilayune susubog. Ḵaḵnat te lummaweng somsomoḵda ya naliwatanda ḵatuttuwaan. Te sa ḵananda, sa naapudyusane biyag gapun ni bumaḵnangan.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

2 Timothy 4:2

Iwaḻagawagnu Ugud Apudyus. Ḵasapuḻane pasigḵa maḵasagana, taḵon ay nu ambaḻu baḵon nu lawwenge timpu. Awisom dida ta amatida ḵan Jesus. Ḵad suppaḵam da angwa'ḵ lawweng ya soḻgagom dida ta ḵoonda ambaḻu ya anusam ose antuttudu.

Hebrews 3:13

Yaḵon sa ḵoonyu, inaḻgaw oḵyane an-asisoḻgag ḵayu si awad timpuyu ta ippun maallelaw ḵan diḵayu'ḵ maḵabasuḻ ya tumungitong da somsomoḵyu.

2 Peter 2:12

Yaḵon da sanae angituttudu si daḵampun aḵ tuttuwa, an-ugudda'ḵ lawweng atte adidapun maawatan. Isudan tanane ayame miyanaḵda ta madoḵmaanda ya mapatoyda. Ḵad sa ambanagana, madadailda.

2 Peter 2:2

Yaḵon adu da angunud atta ḵababbaine antataguda ḵad gapu ḵan dida, ibagadae lawweng ḵatuttuwaan.

Jude 1:10

Yaḵon da sanae tagu we adipun naapudyusan, an-ugudda'ḵ lawwenge misullagi'tta banage adidapun maawatan. Isudan ayam te adidapun maḵaḵasḵasmoḵ nu ngai ambaḻu ḵan lawweng ya siya unudonda da gagangaye lawwenge pipionda. Ḵad da sanae banag anadail ḵan dida.