Acts 19:16 - Sa Ugud Apudyus

¹⁶ Pun induḵḵus ni naaḻanan dida woḵ naḵapatoy inggana'ḵ illogna dida. Unipun ummawiddae naḻpu'tte boḻoye amboboddang ḵan nasugasugatda.

Acts 19:16 Iomraidhean Croise

Mark 5:15

Dummatongda ḵad si igaw Jesus, inniladae tutuḵdu sadi ye laḻaḵi ye naaḻanan. Nansilup ḵan nanggodong somsomoḵna. Pun naḵimtanda.

Luke 8:35

Pun ummoy da tagu innila naḵwa. Dummatongda ḵad ḵan Jesus, indasanda sadi ye tagu we napaḻyawan da aḻan. Tutuḵdu si sinagung Jesus ya nansilup ḵan nanggodong somsomoḵna. Pun naḵimtanda.

Acts 19:15

Yaḵon ḵanan ni aḻane summongbat ḵan dida, “Aḵ Jesus igammuḵ, aḵ Paul igammuḵ yaḵon ngai ḵayu?”

Acts 19:17

Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 3:8

Pune sadi nasaniḵad woḵ nanaddaḻan. Pun nibuḻun ḵan da Peter ḵan John we ummoy si paway ni templo woḵ nanadtaddaḻan ḵan nampaypaytuḵe nandaydayaw ḵan Apudyus.

2 Peter 2:19

Ikaridae mapuḵayan da sanae tagu nu unudonda da ituttududa. Yaḵon sa ḵatuttuwaan, didae mismu musassu'tta basuḻe angaissaw ya anadail ḵan dida. Te sa tagu, ambalin aḵ musassu si ngaimane angngog ḵan siya.