Acts 18:8 - Sa Ugud Apudyus

⁸ Inggaw aḵ Crispus we pangat atte sinagoga ya namatida losan da ḵabaḻyanna ḵan Apu Jesus. Adu bos da iCorinth we namati si dingngoḻda iwwaḻagawag Paul woḵ nampabonyagda.

Acts 18:8 Iomraidhean Croise

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Mark 5:22

Pun annat aḵ Jairus we osa'tta pangat ni sinagoga. Innilana ḵad ay aḵ Jesus, nanalluḵu si sinagungna,

Mark 5:35

Sa nangibag-ana'tte bubai, nadanatong da udume naḻpu si boḻoy da Jairus. Pun ḵananda ḵan siya, “Adim ogon taḵtaḵon aḵ Mistulu te natoy abengnu.”

Acts 10:2

Naapudyusan losan da Cornelius we simbaḻyan ya isipogda'ḵ Apudyus. Allaayda'tta ḵapus ya patilayunda alluwaḻu ḵan Apudyus.

Acts 11:14

Siya angibaga ḵan siḵa ya da losane ḵabaḻyannu'tte inonyu we matagu.’

Acts 13:15

Nagangput ḵad nibasa lintog Moses ya sa inggilin da profetan Apudyus, nangibuun da papangat ni sinagoga aḵ umoy angibaga ḵan da Paul ḵan Barnabas we ḵananda, “Susunudni ye ganaḵ Israel, nu awad ugudonyu'ḵ masoḻgagan da annae tagu, ibagayu ḵappos.”

Acts 16:34

Intallayna da Paul ḵan Silas aḵ ḵuwada woḵ pinaḵanana dida. Pun amod de layad da simbaḻyan gapu'tte namatiyanda ḵan Apudyus.

Acts 18:1

Nagangput ḵad, tinenan Paul ad Athens woḵ ummoy ad Corinth.

Acts 18:17

Pun dinoḵmaanda'ḵ Sosthenes we pangat ni sinagoga woḵ inap-aplitda si paway ni dadaḻḻuman yaḵon adimpun Gallio pulus biniyangan dida.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 8:12

Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

2 Corinthians 6:11

Diḵayu we susunudni'd Corinth, ippun adini imbaga ḵan diḵayu. Imbagani da losane awad si somsomoḵni ya naippun insilibni ḵan diḵayu. Amod de ayatni ḵan diḵayu.

2 Timothy 4:20

Natenan aḵ Erastus ad Corinth ya aḵ Trophimus ḵad, tinenaḵ ad Miletus te nasaḵit.