Acts 18:6 - Sa Ugud Apudyus

⁶ Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Acts 18:6 Iomraidhean Croise

Matthew 10:14

Nu awad tagu'ḵ adinapun mangiliyon diḵayu baḵon nu adi dumngoḻ atta ituttuduyu, tenanyu sadi ye ili. Ḵad nu inḵayun, ipaḻpagyu da gabu'tta dapanyu ta igammuwondae dida asi ḵigad si madusaanda.

Matthew 21:41

Ḵanandae summongbat, “Aaddi ye ḵaog-ogyat inonae angongat atta sanae ḵabasbassuḻane tagu. Ḵad iyatunna ipatangḵon mumuḻḻaana'tta de grape atta sabali ye tagu we angitod si billayna nu imbubuḻas.”

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Matthew 22:10

Pun ummoy da sammiluna woḵ inayaganda da losane indasanda, lawweng man ḵan ambaḻu. Pun napnu'tta naayagan aḻwaaḻwae kasaran.

Matthew 27:25

Losan da tagu ḵanane summongbat, “Ḵigadni ya da abengni ye asi sumongbat si matoyan ni annae tagu!”

Matthew 8:11

Ibagaḵ ḵan diḵayu, adu da Gentil we maḻpu si dumingitan init ya mipisonganae maḵaḵan ḵan da Abraham, Isaac ya aḵ Jacob atte ampangatan Apudyus.

Luke 22:65

Ḵad nan-ibagada'tta adu we banage nangamsew ḵan siya ḵad nan-uguugudanda'ḵ lawweng.

Luke 9:5

Nu awad ili'ḵ ayanyu ya adidapun diḵayu mangiliyon, tenanyu. Ḵad nu inḵayun, ipaḻpagyu da gabu'tta dapanyu ta igammuwondae dida asi ḵigad si madusaanda te adidapun dingngoḻ diḵayu.”

Acts 13:51

Pun impaḻpagda da gabu'tta dapanda ta angigammuwan da umili ye ḵigadda'tte madusaanda. Pun ummoyda'd Iconium.

Acts 26:11

Nangampigae ummoyaḵ atta losane sinagoga ya dam-oḵ dinusa da namati. Ḵad pinatutḵu dida an-ugudon aḵ lawweng atte mipanggob ḵan Jesus gapu ta amod de sangaḵ ḵan dida. Nampaḵaḻamoḵ dida taḵon ay da adaddayuwane siyudad da Gentil.”

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Romans 3:29

Aḵ Apudyus ḵad, daḵampun aḵ abus da Judyu aḵ sin-Apudyus yaḵon Apudyus os da Gentil te siya Apudyus da losane tagu.

1 Timothy 5:22

Adim oḵyan ḵamḵammuwone andutuḵ atte ngaimane mabigbige angipangpangu'tta namati. Te nu maigammuwane naḵabasuḻ sadi ye tagu, madusaḵa'tte basuḻna. Ummam ta adiḵa maḵabasuḻ.

2 Timothy 2:25

ya ḵasapuḻane ummanae antuttudu'tta sumullagi si tuttuwae tuttudu ta ittan Apudyus dida'ḵ wayadae ambabawi'tta basuḻda ya agaydae angwa ya igammuwonda ḵatuttuwaan.

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.

1 Peter 4:4

Pun sinsana, nataag da adipun namati si adiḵayupun ogon midoga si natuḻ-ayan ḵan ḵoḵoḵḵonda woḵ sadi gapunae nan-ugudda'ḵ lawweng si mipanggob ḵan diḵayu.