Acts 18:4 - Sa Ugud Apudyus

⁴ Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 18:4 Iomraidhean Croise

Luke 16:31

“Yaḵon ḵanan Abraham, ‘Nu adida amati'tta inggilin Moses ya da profeta, adidapun os maawise amati taḵon ay nu awad umuli ye maḻpu'tta natoy.’ ”

Luke 4:16

Aḵ Jesus ḵad, ummoy ad Nazareth we dummaḵoḻana. Dummatong ḵad umillongan da Judyu, ummoy atte sinagoga te siya ugalina. Pun tummaḵdog ta siya amasa si nigili ye Ugud Apudyus.

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 13:14

Yaḵon tinenanda'd Perga woḵ pinagatupandae ummoy ad Antioch atte saḵubna'd Pisidia. Sa umillongan da Judyu, ummoyda si sinagoga woḵ naḵatuḵduda ḵan dida.

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Acts 17:17

Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi.

Acts 18:13

Ḵananda, “Sa annae tagu, inawisna da adu we tagu ta andaydayawda ḵan Apudyus we sumullagi si lintog.”

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 19:26

Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus.

Acts 19:8

Sa tuḻun buḻane inninggawan Paul sidi dam-on nantuttudu'tte sinagoga ḵad natuḻode nan-ugud ya naḵasossongbat atte mipanggob si ampangatan Apudyus ta awisona da tagu ta amatida.

Acts 26:28

Ḵanan Ari Agrippa ḵan Paul, “Sa ḵanam ḵamman allasu angawisam ḵan saḵon ta ambalinaḵ aḵ Kristianu?”

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

2 Corinthians 5:11

Pun gapu ta igammuni ye angisipog ḵan Apu, padasonni awison da tagu ta amatida ḵan siya. Yaḵon iniiggammun Apudyus diḵani ye naippun lawweng aḵ panggobni ya namnamaoḵe isuna bose iniiggammuyu diḵani.