Acts 17:4 - Sa Ugud Apudyus

⁴ Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 17:4 Iomraidhean Croise

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 13:43

Lummawa ḵad da tagu we naḻpu'tte sinagoga, adu da nibuḻun ḵan da Paul ḵan Barnabas we Judyu ya da Gentil we nangunud atta ugalin da Judyu. Naḵaug-uggud da Paul ḵan dida woḵ nandagdaguda ḵan dida ta pagatupandae antaḻgod si ḵinabaḻun Apudyus.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 14:4

Yaḵon da tagu si sadi ye siyudad, nanggogwada. Da udum ummapyuda'tta Judyu we adipun namati ya da udum os ummapyuda'tta apostol.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:27

Pun imbuunni da Judas ḵan Silas ta didae mismu angipanoḵnoḵ atta annae suḻatni.

Acts 15:32

Gapu ta profetan Apudyus da Judas ḵan Silas, adu da imbagadae masoḻgaganda ḵan pumigsaan ni pammatin da susunud ḵan Kristu.

Acts 15:40

Yaḵon pinilin Paul aḵ Silas aḵ buḻunna. Intaḻgod da susunud ḵan Kristu dida'tte ḵinabaḻun Apu woḵ nallibbatda.

Acts 16:3

Pion Paul we mibuḻun aḵ Timothy ḵan dida woḵ impasogyatna te igammun da losane Judyu we inggaw sidi ye Gentil amana.

Acts 17:10

Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu.

Acts 17:12

Pun namati da adu ḵan didae midoga da adu we Greek we laḻaḵi ya da mabigbige bubai.

Acts 17:14

Pun daguse imbuun da susunud ḵan Kristu aḵ Paul si taḻantag ni baybay yaḵon natenan da Silas ḵan Timothy sidi.

Acts 17:17

Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi.

Acts 17:34

Yaḵon da udum ḵan dida nidogada ḵan siya woḵ namatida ḵan Jesus. Osa ḵan dida'ḵ Dionysius we osa'tta pangat si Areopagus ya aḵ Damaris we bubai ya da udum.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 19:10

napagapagatupan sana si duwan tawon. Pun losan atta ummili'tte probinsiya'd Asia nandongoḻda si Ugud Apu, Judyu baḵon nu Gentil.

Acts 2:44

Ḵad da losane namati, dam-oda andatdatong ya nan-aḵ-atodda.

Acts 21:28

pun ḵanandae simbobogga, “Diḵayu we ganaḵ Israel, bumadang ḵayu! Annaya tagu we ummoy nangituttudu'tta losane tagu'tta ḵinailin di ili ye sumullagi ḵan ditaḵu we Judyu, sa lintog taḵu ya sa templo. Ḵad amo ummoyna ḵinaissawan templo taḵu te inniyoyna da udume Gentil sidi.”

Acts 28:24

Ḵad inninggaw da naawis atta inugudna yaḵon adimpun da udum pinati.

Acts 4:23

Napuḵayan ḵad da Peter ḵan John, ummoyda'tta buḻundae namati woḵ imbagada ḵan dida da losane imbagan da papangat da papadi ya da pallakayon da Judyu.

2 Corinthians 8:5

Pun amo adu innatodda nu sa ninamnamani, ummunae indatunda da long-agda ḵan Apu woḵ asidaot anserbi ḵan diḵani mipagapu si pinion Apudyus.