Acts 16:9 - Sa Ugud Apudyus

⁹ Sa sadi ye labi, inggaw impailan Apudyus ḵan Paul si in-inop. Innilana laḻaḵi ye iMacedonia we tataḵdoge nandagdagu ḵan siya woḵ ḵanana, “Umaliḵa ḵappos sina'd Macedonia ta badangam diḵani.”

Acts 16:9 Iomraidhean Croise

Acts 10:3

Sin-ag-agawan ḵad, inninggaw impailan Apudyus ḵan siyae isun di in-inop. Innilana anghel Apudyus we nillumnoḵ atte boḻoyda woḵ ḵanana, “Cornelius!”

Acts 10:30

Ḵanan Cornelius, “Opat aḻgaw ḵad naḻaḵpus si nalluwaḻuwaḵ atte sin-ag-agawan, natanaḵdog laḻaḵi ye sumilisiling silupna.

Acts 16:10

Nagangput ḵad sadi ye innilan Paul si in-inop, daguse nallibbat ḵani ye umoy ad Macedonia te inigammuni ye pinilin Apudyus diḵani ta iwaḻagawagni Ambaḻu we Damag ḵan dida.

Acts 16:12

Lummogsad ḵani ḵad atte bapur, nanadtaddaḻan ḵani ye ummoy ad Philippi we osan siyudad atte saḵubna'd Macedonia. Sidi ummiliyan da aduadu we iRome. Pun inninggaw ḵani sidi si pigan aḻgaw.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

Acts 19:22

Pinaunana da duwae bumadang ḵan siya'd Macedonia, da Timothy ḵan Erastus, pun inninggaw yan aḵ sin-aḵitan si probinsiya'd Asia.

Acts 19:29

Pun losan da tagu'tte siyudad nagulu woḵ doḵmaanda da Gaius ḵan Aristarchus we iMacedonia we buḻun Paul we nambaat woḵ binutbutda dida inniyoy si bubuyyaan.

Acts 20:1

Nagangput ḵad sadi ye gulu, nandaḵdaḵngon Paul da namati ta soḻgagona dida. Unipun, nampaḵada woḵ ummoy ad Macedonia.

Acts 20:3

Inninggaw aḵ tuḻun buḻan sidi. Yaḵon annapun oḵyane ambapur we umoy ad Syria, inigammunae nan-uunudan da Judyu we gongatonda. Pun simsimmoḵnae mipauli angoy ad Macedonia.

Acts 27:2

Nambapur ḵani ye naḻpu'd Adramyttium we umoy atta ili'tte probinsiya'd Asia. Binuḻunan diḵani ḵan Aristarchus we iThessalonica si probinsiya'd Macedonia.

Acts 9:38

Pun dingngoḻ ḵad da namati ye awad aḵ Peter ad Lydda we adanina'd Joppa, nambuunda'ḵ duwae laḻaḵi aḵ umoy angayag ḵan siya woḵ ḵanandae nandagdagu, “Agagam ḵappos ta intaḵu'd Joppa.”

Romans 15:26

Te da tagun Apudyus si probinsiya'd Macedonia ya Achaia, sillalaylayaddae nangitod aḵ badangda'tta ḵapuse tagun Apudyus ad Jerusalem.

2 Corinthians 11:9

Sa inninggawaḵ ḵan diḵayu, adiyaḵpun nanḵodaw ḵan diḵayu si awad de ḵasapuḻaḵ te da susunud ḵan Kristu we naḻpu'd Macedonia da nangitod atta masapuḻḵu. Ḵad ḵatti bos ḵooḵ si umali ye aḻgawe adiḵpun paat ampaḵaḻamon diḵayu'tta masapuḻḵu.

2 Corinthians 12:7

Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ.

2 Corinthians 7:5

Te taḵon ay dummaḵnganni'd Macedonia, ippun umillongan da somsomoḵ ḵan long-agni gapu'tta amode ampaḵaḻamane nilaḵ-amni'tta ngaimane ummayanni. Ḵad adu we gulu'tte nampaliḵwos ḵan diḵani ya ambimbinsaw ḵani.

2 Corinthians 8:1

Susunudḵu ḵan Kristu, pionni ye ipaigammu ḵan diḵayu mipanggob si ḵinabaḻun Apudyus we nipaila'tta gimung da namati'd Macedonia.

2 Corinthians 9:2

Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

1 Thessalonians 4:10

Ḵad tuttuwa te ayatonyu da losane susunud ḵan Kristu atte intero we probinsiya'd Macedonia. Yaḵon amo bilibilinonni diḵayu susunud ta amo pumigsa ayatyu.