Acts 16:5 - Sa Ugud Apudyus

⁵ Pun pummigsa pammatin da namati atta gimung ḵad inaḻgawe madog-adog-anda.

Acts 16:5 Iomraidhean Croise

Acts 11:21

Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.

Acts 12:24

Yaḵon napagatupan niyasaḵ Ugud Apudyus woḵ ummaduadu da namati.

Acts 15:41

Pun ummoyda'tta ili'd Syria ya ad Cilicia ta umoyda papigsaon pammatin da namati atta gimung.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 4:4

Yaḵon adu da nandodongngoḻ atte inugudda woḵ namatida. Sa belang da laḻaḵi umoye limallibu.

Acts 5:14

Yaḵon amo ummaduadu da laḻaḵi ya da bubai ye namati ḵan Apu Jesus woḵ nadog-anda.

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Colossians 2:6

Gapu ta inawatyu'ḵ Jesu Kristu aḵ Apuyu, ḵasapuḻane unudonyu antatagunae mibagay atte tagu we niyossaan ḵan siya.

1 Thessalonians 3:13

Papigsaon oḵyan Apu Jesus da somsomoḵyu ta naippun angkuranganyu ya bumaḻu da ugaliyu si antotollong Apudyus we Ama taḵu si umaliyan Jesus we Apu taḵu we midoga da losane taguna.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

1 Peter 5:10

Nu maabus sin-aḵitane ampaḵaḻamanyu, aḵ Apudyus we naḻpuwan ni losane ḵinabaḻu, pabaruwona biyagyu ya papigsaona pammatiyu ta adi mayugayug. Siya namili ḵan diḵayu we midoga si ḵabaḻuwane antatagu ḵan Apudyus ad langite ippun anungusna mipagapu si niyossaananyu ḵan Kristu.