Acts 16:16 - Sa Ugud Apudyus

¹⁶ Sin-aḻgawan ḵad atte ayanni si luluwaḻuwan, inabotni babaḻasange musassu we allainge ampadtu te ambubuyun. Gapu'tte laingnae ampadtu, adu pilaḵe maaḻan da apuna.

Acts 16:16 Iomraidhean Croise

Acts 16:13

Sa aḻgaw ḵade umillongan da Judyu, ummoy ḵani si lasin ni siyudad atte taḻantag ni tawwang te ḵanannipun nu siya dam-on da Judyu alluwaḻuwan. Tummuḵdu ḵani woḵ naḵaug-uggud ḵani'tta bubai ye nadagup sidi.

Acts 16:18

Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.

Acts 16:19

Innilan ḵad da apunae naippun ogon namnamaonda angaḻ-an aḵ pilaḵda, dinoḵmaanda da Paul ḵan Silas woḵ binutbutda dida'tte lugar we andaḵdaḵngan da adu we tagu atte sinagung da papangat ni ili.

Acts 19:24

Sa tagu we nangngadan aḵ Demetrius we ambobosaḻ, nangwa'tte palata'ḵ sinan templon Artemis we sa bubai ye apudyusda ya daḵoḻ os tangdan da sanae anḵeḵewwaaḻona.

Galatians 5:20

Daydayawonda da sinan-apudyus, ambubuyun, andadawaḵ, sasangngaanda da asintataguda, subboganda, an-aḵ-aposda, mabusutda, ansoḵaḻda, adidapun an-asiinnawat ya ansisinada.

1 Timothy 6:10

Te sa ḵamommod da tagu si pilaḵ, siya maḻpuwan da losane kalasin di lawweng. Ḵad gapu si ḵamommod, nan-awidan da udume tagu pammatida ḵan Apudyus, ḵad ampaḵaḻamda si adu we salidudun da somsomoḵda.

2 Timothy 3:8

Da sanae angallelaw atta bubai, sullagiyonda ḵatuttuwaane mipanggob ḵan Apudyus. Isun ni ḵingwan da Jannes ḵan Jambres atte awe ye sinullagida'ḵ Moses. Lawweng somsomoḵ da sanae tagu ya daḵampun aḵ tuttuwa pammatida.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.