Acts 16:1 - Sa Ugud Apudyus

¹ Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Acts 16:1 Iomraidhean Croise

Acts 14:1

Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 14:21

Dummatongda ḵad ad Derbe, iwwaḻagawagda Ambaḻu we Damag woḵ adu da inawisdae amati ḵan Jesus. Naabus ḵad, nipaulida'd Lystra ya ad Iconium ya ad Antioch we saḵub ni Pisidia

Acts 14:6

Yaḵon inigammun ḵad da apostol, ummawidda'tta siyudad ad Lystra ya ad Derbe ya da udume nampaliḵwose ili'tte sinaḵubna'd Lycaonia.

Acts 17:14

Pun daguse imbuun da susunud ḵan Kristu aḵ Paul si taḻantag ni baybay yaḵon natenan da Silas ḵan Timothy sidi.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 19:22

Pinaunana da duwae bumadang ḵan siya'd Macedonia, da Timothy ḵan Erastus, pun inninggaw yan aḵ sin-aḵitan si probinsiya'd Asia.

Romans 16:21

Aḵ Timothy ye buḻunḵu we nanḵewaaḻ, pakumustaona diḵayu, isuna bos atta dogaḵe Judyu we da Lucius ḵan Jason ya aḵ Sosipater.

1 Corinthians 16:10

Ḵad nu umali'ḵ Timothy sinat, ilanyu ta ummanyu mangiliyon ta adi umogyat ḵan diḵayu te siya bos osae angwa'tta paḵwan Apudyus we isun os ni ḵooḵ.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

1 Corinthians 7:14

Te sa asawae adipun namati itotoḵḵon Apudyus gapu si pammatin asawana. Te nu daḵampun aḵ tuttuwa sana, adimpun oḵyan Apudyus ibelang da abengda'ḵ pummoḻḵas yaḵon imbelang Apudyus dida'ḵ pummoḻḵas.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 1:19

Te aḵ Jesu Kristu we Abeng Apudyus we iwwaḻagawagni ḵan da Silas ya aḵ Timothy ḵan diḵayu, adinapun baliwan ibagana nu adi pasige ituttuwana.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Philippians 2:19

Nu iyunud Apu Jesus, namnamaoḵe adipun manunnuwan ya ibuunku'ḵ Timothy ḵan diḵayu ta mipauli ḵad ya ug-uggudona mipanggob ḵan diḵayu, lumayadaḵ ya lumayad ḵayu bos.

Colossians 1:1

Saḵon aḵ Paul we apostol Jesu Kristu mipagapu si pinion Apudyus ya buḻunku'ḵ Timothy ye sunud taḵu ḵan Kristu.

1 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

1 Thessalonians 3:6

Yaḵon sinsadi, nipauli'ḵ Timothy ye imbagana ambaḻu we damag mipanggob si ḵinapigsan da pammati ḵan ayatyu. Imbagana bose diḵani pasigyu ayuayuwane isun ni ayuni ḵan diḵayu.

2 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu.

1 Timothy 1:18

Da sanae imbilinḵu ḵan siḵa Timothy we imbelangḵu'ḵ abengḵu, mibatay atte nipadtu si awe atte mipanggob ḵan siḵa. Adim maliwatan da nipadtu si awe ta tumoḻodḵae maḵagubat atta losane lawweng.

1 Timothy 1:2

Annaya suḻatḵu ḵan siḵa Timothy ye ibelangku'ḵ tuttuwae abengḵu'tte pammati ḵan Jesu Kristu. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Timothy 1:2

Annaya suḻatḵu ḵan siḵa Timothy ye imbelangḵu'ḵ abengḵu we ay-ayatoḵ. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Timothy 1:5

Adiḵpun os maliwatan gattoḵe pammatim, isun ni pammatin Lois we apum ya aḵ Eunice we inam ḵad aaddi ye siya annat ḵan siḵa sinsadi.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.

Philemon 1:1

Saḵon aḵ Paul we nibabaḻud gapu si nanserbiyaḵ ḵan Jesu Kristu. Aḵ Timothy ye sunud taḵu ḵan Kristu buḻunḵu sina. Annaya suḻatni ḵan siḵa Philemon we ay-ayatonni ye buḻbuḻun ya buḻunni ye anḵewaaḻ.

Hebrews 13:23

Pioḵe ipaigammu ḵan diḵayu we napuḵayan aḵ Timothy ye sunud taḵu ḵan Kristu atte babaḻḻudan. Ḵad nu masapa dumatong, umali ḵani sinat ta inḵani diḵayu gaggaḵayon.