Acts 15:5 - Sa Ugud Apudyus

⁵ Yaḵon inninggaw da udume namati ye naḻpu'tte grupun da Pharisee ye summiḵadda woḵ ḵananda, “Ḵasapuḻane pasogyat da Gentil ya ibilin taḵu we tuttuwaonda da lintog Moses.”

Acts 15:5 Iomraidhean Croise

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Acts 15:1

Pun inninggaw da laḻaḵi ye dummatong ad Antioch we naḻpu'tte probinsiya'd Judea we ummoy nantuttudu'tta susunud ḵan Kristu. Ḵananda, “Adiḵayupun matagu nu adi ḵayu pasogyat sigun si intuttudun Moses.”

Acts 15:24

Dingngoḻni ye annat da udume grupuni ye ummoy sinat nantuttudu ḵan diḵayu ḵad da intuttududa nasaliduduwan da somsomoḵyu. Yaḵon ippun innatodni ḵan dida'ḵ ḵaḻabbongane angwa'tte ḵatti.

Acts 21:20

Dingngoḻda ḵad sadi, indaydayawda'ḵ Apudyus woḵ ḵananda ḵan siya, “Susunud taḵu ḵan Kristu, pionni ye sosomkome ḵalibulibu belang da Judyu we namati ḵan Jesus ya amo ipapatidae angunud si lintog Moses.

Acts 24:14

Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe.

Acts 24:5

“Te indasanni annae tagu we gugulu te dam-on nanggulu'tta losane Judyu si annae lubung. Siya osa'tta pangat da grupun da mituntun-ud atte iNazareth.

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Acts 5:17

Yaḵon da ḵangatuwane padi ya da losane grupun da Sadducee, amod de aposda'tta apostol.

1 Corinthians 7:18

Awatna, nu naabus nasogyatan laḻaḵi si namiliyan Apudyus ḵan siya'ḵ namati, adipun ḵasapuḻane ḵaanona sinyale nasogyatan. Nu adipun nasogyatan si napiliyana, adipun ḵasapuḻane ampasogyat.

Galatians 2:11

Yaḵon ummali ḵad aḵ Peter ad Antioch, sinuppaḵaḵ atte sinagung da adu we tagu te nalawage daḵampun aḵ ustu ḵingwana.

Galatians 2:14

Yaḵon innilaḵ sumullagi si ḵatuttuwaan ni Ambaḻu we Damag we ḵoonda, ḵanaḵ ḵan Peter si sinagung da losan, “Taḵon ay nu Judyuḵa, nalligligammuḵa si udume ugalin da Judyu we isun di daḵanḵapun aḵ Judyu. Ḵad nu ḵingwam ḵatti, ngaipam os ay ipatut paunud atta Gentil ugali taḵu?”