Acts 15:4 - Sa Ugud Apudyus

⁴ Dummatongda ḵad ad Jerusalem, minangilin da namati ye magimugimung dida, da apostol ya da angipangpangu. Pun imbagan da Paul da losane ḵingwan Apudyus ḵan dida.

Acts 15:4 Iomraidhean Croise

Matthew 10:40

Ḵanan os Jesus, “Ngaimane ammangili ḵan diḵayu, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Acts 15:12

Pun gummiginnoḵ da losane naamung woḵ nandodongngoḻda'tta imbagan da Barnabas ḵan Paul mipanggob atta sinyal ḵan nakaskasdaawe ḵingwan Apudyus atta Gentil mipagapu ḵan dida.

Acts 15:2

Yaḵon da Paul ḵan Barnabas, amo naḵasossongbatda ḵan dida. Pun siya dinutuḵanda da Paul ḵan Barnabas ya da udume namati'ḵ umoy ad Jerusalem maḵaugud atta apostol ya da angipangpangu'tta namati atte mipanggob si sadi ye tuttudu.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 15:6

Pune sadi, nammimiting da apostol ya da angipangpangu'tta namati ta an-uugudanda sanae banag.

Acts 16:4

Nanggaḵayda ḵad atta ḵinailin di ili, impaigammuda nan-uunudan da apostol ya da angipangpangu'tta namati'd Jerusalem ta tuttuwaon da tagu.

Acts 18:27

Pion ḵad Apollos we dumoḻmang si baybaye umoy atte probinsiya'd Achaia, sinoḻgag da susunud ḵan Kristu ad Ephesus woḵ nanuḻatda'tta susunud ḵan Kristu ad Achaia ta mangiliyonda. Dummatong ḵad, adu da binadanganae namati mipagapu'tte ḵinabaḻun Apudyus.

Acts 21:17

Dummatong ḵani ḵad ad Jerusalem, sillalaylayad da susunud ḵan Kristu we nammangili ḵan diḵani.

Acts 21:19

Naabus ḵade pinakumustan Paul dida, inug-uggudna da losane ḵingwan Apudyus atta Gentil mipagapu si ḵewaaḻna.

Romans 15:18

Te naippun udum aḵ ugudoḵ yaḵon abus da ḵingwan Kristu mipagapu ḵan saḵon aḵ angawis atta Gentil ta tumuttuwada gapu si amatiyanda ḵan Apudyus. Te namatida gapu'tte nantuttuduwaḵ ya da ḵingwaḵ,

Romans 15:7

Pun awatonyu da buḻunyu we isun ni nan-aawat Kristu ḵan diḵayu ta madayawan Apudyus.

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

2 Corinthians 5:19

Sa pionni ibaga, mipagapu'tte ḵingwan Kristu, impaḻ-og Apudyus maḵabuḻbuḻunan da tagu ḵan siya woḵ adinapun ogon ibelang da basuḻda. Intaḻgodna ḵan diḵani mituttuduwan ni sanae damag atte angipaḻ-ogan Apudyus si maḵabuḻbuḻunan da losane tagu ḵan siya.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Colossians 4:10

Aḵ Aristarchus we buḻunḵu we baḻud ya aḵ Mark we ḵapingsan Barnabas, pakumustaonda diḵayu. Inawatyu bilin atte mipanggob ḵan Mark, ḵad nu umali bumisita, mangiliyonyu we ustu.

2 John 1:10

Pun nu awad umali ḵan diḵayu'ḵ sabali tuttuduna, adiyu paḻonḵon atte boḻoyyu. Adiyu bos pakumustaon.