Acts 15:10 - Sa Ugud Apudyus

¹⁰ Sinsadi, ngaipayu padason aḵ Apudyus atte angibag-anyu we ḵasapuḻane tuttuwaonda da losane ugali taḵu? Te taḵon ay da danaḵḵoḻ taḵu ya ditaḵu sinsana, aditaḵupun lamog tuttuwaon dida.

Acts 15:10 Iomraidhean Croise

Matthew 23:4

Ipabuḵudda'tta tagu andagsone mabuḵud yaḵon adidapun pione bumadang ḵan dida taḵon ay aḵit.

Matthew 4:7

Ḵanan Jesus, “Adiḵpun te nigili'tte Ugud Apudyus, ‘Adim padason aḵ Apu we Apudyusnu we ipailana ḵan siḵa ayyuwanna.’ ”

Acts 5:9

Ḵanan Peter, “Ngaipayu we an-asawa antuḻagane padason Ispiritun Apu? Dongngom, ḵodoḵodog da babaḻu atte sawange ummoy nangilibon ḵan asawam. Ḵad asida bos siḵa adangoyon ilawa.”

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Hebrews 3:9

Ḵanan Apudyus, ‘Da danaḵḵoḻyu ḵad, pinappadasda saḵon, taḵon ay nu intotollongda da ḵingwaḵ atte opatpuḻu we tawon.

Hebrews 9:9

Losan atta sana, awad de mipaniyana'tta ḵingwan Kristu ḵan ditaḵu sinsana. Te da atod ya da ayame indatun da papadi, adidapun lamog papoḻḵason somsomoḵ da andaydayaw.