Acts 14:2 - Sa Ugud Apudyus

² Yaḵon da Judyu we adipun tummuttuwa gapu si adidapun namatiyan, sinubsubda da Gentil ta paḻawengonda da somsomoḵ da susunud ḵan Kristu.

Acts 14:2 Iomraidhean Croise

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:4

Yaḵon da tagu si sadi ye siyudad, nanggogwada. Da udum ummapyuda'tta Judyu we adipun namati ya da udum os ummapyuda'tta apostol.

Acts 14:5

Pun nantutuḻag da Judyu ya da Gentil ya da papangatdae ampaḵaḻamonda ya batubatuwonda dida inggana'ḵ matoyda.

Acts 17:13

Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda.

Acts 17:5

Yaḵon maapos da Judyu we adipun namati woḵ dinagupda da gugulu'tte lugar we andaḵdaḵngan da adu we tagu ta angguluda inggana'ḵ nagulu da losane umili. Pun ummoyda linnoḵ boḻoy da Jason te singsingtonda da Paul ḵan Silas ta ilawada dida iyoy atte nadagupan da adu we tagu.

Acts 18:12

Yaḵon nangobernor ḵad aḵ Gallio si probinsiya'd Achaia, nan-uunudan da Judyu we adipun namati ye iduḵḵusda doḵmaan aḵ Paul ya inniyoyda'tte dadaḻḻuman.

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.