Acts 14:1 - Sa Ugud Apudyus

¹ Ḵaḵna naḵwa'd Iconium. Ummoy da Paul ḵan Barnabas atte sinagoga woḵ aduadu da Judyu ḵan Gentil we namati gapu ta ambaḻu inondae nangiwaḻagawag.

Acts 14:1 Iomraidhean Croise

Mark 7:26

woḵ nandagdagu ḵan siya ta paḻyawona oḵyan aḻan atte abengna. Sa bubai ye sadi, niyanaḵ ad Phoenicia we saḵubna'd Syria ya sa ugudna ḵad Grineek.

John 12:20

Inninggaw os da udume Gentil we ummoy nandayaw ḵan Apudyus atte gayagaya'd Jerusalem.

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 11:21

Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.

Acts 13:43

Lummawa ḵad da tagu we naḻpu'tte sinagoga, adu da nibuḻun ḵan da Paul ḵan Barnabas we Judyu ya da Gentil we nangunud atta ugalin da Judyu. Naḵaug-uggud da Paul ḵan dida woḵ nandagdaguda ḵan dida ta pagatupandae antaḻgod si ḵinabaḻun Apudyus.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 13:5

Dummatongda ḵad ad Salamis, iwwaḻagawagda Ugud Apudyus atta sinagogan da Judyu. Innawitda'ḵ John Mark ta bumadang ḵan dida.

Acts 13:51

Pun impaḻpagda da gabu'tta dapanda ta angigammuwan da umili ye ḵigadda'tte madusaanda. Pun ummoyda'd Iconium.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:2

Yaḵon da Judyu we adipun tummuttuwa gapu si adidapun namatiyan, sinubsubda da Gentil ta paḻawengonda da somsomoḵ da susunud ḵan Kristu.

Acts 14:21

Dummatongda ḵad ad Derbe, iwwaḻagawagda Ambaḻu we Damag woḵ adu da inawisdae amati ḵan Jesus. Naabus ḵad, nipaulida'd Lystra ya ad Iconium ya ad Antioch we saḵub ni Pisidia

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Acts 16:2

Ambaḻu ḵaugudan Timothy atta susunud ḵan Kristu ad Lystra ya ad Iconium.

Acts 17:12

Pun namati da adu ḵan didae midoga da adu we Greek we laḻaḵi ya da mabigbige bubai.

Acts 17:17

Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi.

Acts 17:4

Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 18:8

Inggaw aḵ Crispus we pangat atte sinagoga ya namatida losan da ḵabaḻyanna ḵan Apu Jesus. Adu bos da iCorinth we namati si dingngoḻda iwwaḻagawag Paul woḵ nampabonyagda.

Acts 19:10

napagapagatupan sana si duwan tawon. Pun losan atta ummili'tte probinsiya'd Asia nandongoḻda si Ugud Apu, Judyu baḵon nu Gentil.

Acts 19:17

Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 19:8

Sa tuḻun buḻane inninggawan Paul sidi dam-on nantuttudu'tte sinagoga ḵad natuḻode nan-ugud ya naḵasossongbat atte mipanggob si ampangatan Apudyus ta awisona da tagu ta amatida.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 21:28

pun ḵanandae simbobogga, “Diḵayu we ganaḵ Israel, bumadang ḵayu! Annaya tagu we ummoy nangituttudu'tta losane tagu'tta ḵinailin di ili ye sumullagi ḵan ditaḵu we Judyu, sa lintog taḵu ya sa templo. Ḵad amo ummoyna ḵinaissawan templo taḵu te inniyoyna da udume Gentil sidi.”

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 10:12

Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu.

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.