Acts 13:6 - Sa Ugud Apudyus

⁶ Pun ginaggaḵayda da ili'd Cyprus inggana'ḵ dummatongda'd Paphos. Sidi nangabotanda'tte osan ambubuyune Judyu we sinan profeta we nangngadan aḵ Bar-Jesus.

Acts 13:6 Iomraidhean Croise

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Mark 10:46

Pun dummatong aḵ Jesus ya da disipuluna'd Jericho. Ḵesanda ḵad, nibuḻun da amode tagu ḵan dida. Inggaw aḵ Bartimaeus we naḵuḻape abeng Timaeus we tummutuḵdu si igid ni ḵaḻsae antapatapaya.

Acts 13:13

Pun ḵesan da Paul ya da buḻunna'd Paphos woḵ nalluganda si bapur woḵ dummatongda'd Perga, osae ili si probinsiya'd Pamphylia. Dummatongda ḵad sidi, tinenan John Mark dida woḵ nipauli'd Jerusalem.

Acts 13:8

Yaḵon aḵ Elymas we ambubuyun te siya ngadanna'tte Greek, summullagi ḵan dida ya padasona tupodon gobernor ta adi amati ḵan Jesus.

2 Corinthians 11:13

Te da annae tagu sinan apostolda, allelawonda da tagu'tta losane ḵoonda ḵad ipailadae isun di tuttuwae apostol Kristu dida.

2 Timothy 3:8

Da sanae angallelaw atta bubai, sullagiyonda ḵatuttuwaane mipanggob ḵan Apudyus. Isun ni ḵingwan da Jannes ḵan Jambres atte awe ye sinullagida'ḵ Moses. Lawweng somsomoḵ da sanae tagu ya daḵampun aḵ tuttuwa pammatida.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.