Acts 13:3 - Sa Ugud Apudyus

³ Nagangputdapune nallaun ya nalluwaḻu, impatayda da imada ḵan da Barnabas ḵan Saul woḵ imbuunda dida.

Acts 13:3 Iomraidhean Croise

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

Acts 1:24

Pun ḵanandae nalluwaḻu, “Apu, gapu ta siḵa angigammu'tta ḵasomsomḵan da losane tagu, ipaigammum ud ḵan diḵani nu ngai pinilim atta annae duwa

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 13:4

Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

Acts 14:26

Misaḻad ad Attalia, nambapurdae nipauli'd Antioch we nangitaḻgodan da namati ḵan dida si ḵinabaḻun Apudyus gapu'tte ḵewaaḻe ginangputda.

Acts 15:40

Yaḵon pinilin Paul aḵ Silas aḵ buḻunna. Intaḻgod da susunud ḵan Kristu dida'tte ḵinabaḻun Apu woḵ nallibbatda.

Acts 6:6

Inniyoyda dida'tte sinagung da apostol woḵ impatay da apostol da imada ḵan didae nangiluwaḻu.

Acts 9:17

Pun ummoy aḵ Ananias woḵ nillumnoḵ atte boḻoye inninggawan Saul. Pun impatayna da imana ḵan siya woḵ ḵanana, “Sunudḵu we Saul, aḵ Apu Jesus we nampaila ḵan siḵa si daḻan, siya nangibuun ḵan saḵon ta maḵailaḵa ya umoy ḵabooḻan ni Ispiritu Santu ḵan siḵa.”

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

1 Timothy 5:22

Adim oḵyan ḵamḵammuwone andutuḵ atte ngaimane mabigbige angipangpangu'tta namati. Te nu maigammuwane naḵabasuḻ sadi ye tagu, madusaḵa'tte basuḻna. Ummam ta adiḵa maḵabasuḻ.

2 Timothy 1:6

Pun siya gapunae paiḵagasmoḵḵu ḵan siḵa ta usarom ḵabooḻame innatod Apudyus si nangipatayaḵ atte imaḵe nangiluwaḻu ḵan siḵa.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

3 John 1:6

Sa inninggawanda sina, pinanoḵnoḵanda'tta namati ye magimugimung da ambaḻu we nan-aayatnu ḵan dida. Nu awad isun da sana'ḵ ansadang sinat, pagatupam ḵappose bumadang ḵan dida ya ittom ḵasapuḻan da si daḻan te siya mibagaye mas-oman Apudyus.

3 John 1:8

Pun ditaḵu we namati ḵasapuḻan ose badangan taḵu dida ta maḵabillay taḵu si ḵewaaḻdae angipaigammu si ḵatuttuwaan.