Acts 13:2 - Sa Ugud Apudyus

² Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 13:2 Iomraidhean Croise

Matthew 17:21

Yaḵon sa aḻane ḵatti, ippun maḵapaḻyaw nu adin ni amaḻyaw ipapati ye alluwaḻu ḵan Apudyus ya allaun si alluwaḻuwana.”

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 9:38

Pun iluwaḻuyu ḵan Apudyus we sinḵuwa'tta maani ta angibuun aḵ aduadu'ḵ umoy an-ani.”

Luke 10:1

Nagangput ḵad, pinilin Jesus da pitumpuḻu ya duwa'tta udume disipuluna. Sinindodwana dida imbuun ta umoyda umuna antuttudu'tta ili ye ayana.

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

Acts 10:19

Sissiya ḵade ḵuttuḵuttumon Peter nu ngai pion ni impailan Apudyus ḵanan, ḵanan ni Ispiritu Santu ḵan siya, “Peter annat da tuḻu we laḻaḵi ye singtonda siḵa.

Acts 10:30

Ḵanan Cornelius, “Opat aḻgaw ḵad naḻaḵpus si nalluwaḻuwaḵ atte sin-ag-agawan, natanaḵdog laḻaḵi ye sumilisiling silupna.

Acts 13:3

Nagangputdapune nallaun ya nalluwaḻu, impatayda da imada ḵan da Barnabas ḵan Saul woḵ imbuunda dida.

Acts 13:4

Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus.

Acts 14:26

Misaḻad ad Attalia, nambapurdae nipauli'd Antioch we nangitaḻgodan da namati ḵan dida si ḵinabaḻun Apudyus gapu'tte ḵewaaḻe ginangputda.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Acts 4:36

Inggaw aḵ Joseph we osae ganaḵ Levi we iCyprus we nginadanan da apostol aḵ Barnabas sa piona ḵanan Sumoḻgag.

Acts 6:4

ya ipapuutni ye alluwaḻu ḵan angiwaḻagawag si Ugud Apudyus.”

Acts 8:29

Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

1 Corinthians 12:11

Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.

1 Corinthians 7:5

Ḵan diḵayu we an-as-asawa, adiyu iyadi ḵaḻabbongan ni asawayu, malaksid nu antuḻaganyu we adiḵayu yan an-adaḻug ta ipapatiyu we alluwaḻu. Ḵad nu maabus aḻgawe alluwaḻuwanyu, an-adaḻug ḵayu bos ta adin Satan diḵayu sulisugon aḵ bumasuḻ te adiḵayupun maḵatupod atta long-agyu.

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

2 Corinthians 6:5

Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.

Galatians 1:15

Yaḵon aḵ Apudyus, sabali panggobna ḵan saḵon te ingallapuna dinutuḵan saḵon atte daanḵu miyanaḵan ḵad gapu si ḵinabaḻuna, pinilina saḵon aḵ anserbi ḵan siya.

Ephesians 3:7

Impailan Apudyus ḵinabaḻuna ḵan saḵon te mipagapu'tte ḵabooḻana intaḻgodna ḵan saḵon ampatoge ḵewaaḻe angiwaḻagawag atte Ambaḻu we Damag.

Colossians 4:17

Ibagayu ḵappos ḵan Archippus ta igangputna ḵewaaḻe intaḻgod Apu ḵan siya.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

2 Timothy 1:11

Dinutuḵan Apudyus saḵon aḵ apostol ta iyyaḵ iwaḻagawag ḵan ituttudu annae Ambaḻu we Damag,

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

2 Timothy 4:11

Abus aḵ Luke aḵ buḻunḵu sina. Nu umaliḵa, dagasom aḵ Mark te bumadang ḵan saḵon atte ḵewaaḻḵu.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

Hebrews 5:4

Ḵad naippun tagu'ḵ itanungna dutuḵan long-agna'ḵ madayawana'ḵ ambalin aḵ ḵangatuwane padi. Te abus aḵ Apudyus aḵ maḵwae amili ye isun ni nampipilina ḵan Aaron.