Acts 13:10 - Sa Ugud Apudyus

¹⁰ Ḵanana, “Siḵa abeng Satan, siḵae ḵabusuḻ da losane naun-unan, pinus-annu da losane kalasin di sinisiḵap ya kinukuluk te ambalinom aḵ tinutuli ḵatuttuwaane Ugud Apudyus.

Acts 13:10 Iomraidhean Croise

Matthew 13:38

Ḵad sa payaw, siya annae lubung ya sa ambaḻu we iliḵ, dida da tagu we midoga si ampangatan Apudyus, ḵad da sabsabug, dida da tagun Satan.

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Luke 11:39

Pun ḵanan Jesus ḵan siya, “Ḵaddagu ḵayu, diḵayu we Pharisee. Ḵapappaila ḵayu! Iissuyu tagu we ḵiwasanae abus labaw ni tasa ya sa palatu! Yaḵon ad daḻom atta somsomoḵyu, amod ḵamommodyu ḵan lawwelawweng ḵayu.

Luke 11:52

“Ḵaddagu ḵayu bose nalainge mimistulun ni lintog te tutuppodonyu da inon ni anaguwan Apudyus! Te iyadiyu da tagu we tumuttuwa oḵyan!”

John 1:23

Ḵanan John, “Saḵon inninggaw si bumbummaawe ḵanaḵe angiwaḻagawag, ‘Pagodongonyu daḻan si umaliyan Apu.’ ” Aḵ John nituttuwaan ni inggilin Profeta Isaiah si awe.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Acts 20:30

Awad da udum ḵan diḵayu we mismu we asi umali ye ambalinonda ḵatuttuwaan aḵ tinutuli ta awisonda da namati ta mitun-udda ḵan dida.

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

Galatians 1:7

Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

2 Peter 2:15

Nan-awidandae angwa'tta ambaḻu ya nalimuda. Inunudda ugalin Balaam we abeng Beor we naḵabasuḻ gapu'tte pipionae pabayad si ḵoonae lawweng.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.