Acts 13:1 - Sa Ugud Apudyus

¹ Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 13:1 Iomraidhean Croise

Matthew 27:32

Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus.

Luke 3:1

Sa miḵasawaḻ aḵ limae tawon atte nampangatan Emperor Tiberius, aḵ Pontius Pilate Gobernor atte probinsiya'd Judea. Aḵ Herod os Gobernor atte probinsiya'd Galilee ya aḵ Philip we sunudna, nampangat atta Iturea ya ad Trachonitis. Ḵad aḵ Lysanias nampangat ad Abilene.

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 12:25

Ginangput ḵad da Barnabas ḵan Saul ḵewaaḻda'd Jerusalem, nipaulida'd Antioch. Innawitda'ḵ John Mark.

Acts 13:9

Yaḵon aḵ Saul we nangngadan aḵ Paul, naittan si ḵabooḻan ni Ispiritu Santu woḵ immumusḵoḻna'ḵ Elymas.

Acts 15:32

Gapu ta profetan Apudyus da Judas ḵan Silas, adu da imbagadae masoḻgaganda ḵan pumigsaan ni pammatin da susunud ḵan Kristu.

Acts 15:35

Yaḵon da Paul ḵan Barnabas, inninggawda'd Antioch we nangituttudu ya nangiwaḻagawag atte Ugud Apu Jesus. Binadangan da adu we namati dida'tte ḵewaaḻda.

Acts 19:6

Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus.

Acts 21:9

Awad da opate babaḻasange abengdae angipadpadtu atte Ugud Apudyus.

Acts 4:36

Inggaw aḵ Joseph we osae ganaḵ Levi we iCyprus we nginadanan da apostol aḵ Barnabas sa piona ḵanan Sumoḻgag.

Acts 9:1

Sa sadi ye timpu, pinagatupan Saul we nangoḻḵog ya nangongat atta disipulun Apu, pun ummoy si ḵangatuwane padi

Romans 16:21

Aḵ Timothy ye buḻunḵu we nanḵewaaḻ, pakumustaona diḵayu, isuna bos atta dogaḵe Judyu we da Lucius ḵan Jason ya aḵ Sosipater.

1 Corinthians 11:4

Nu magimung ḵayu ya awad laḻaḵi'ḵ inabbungana uḻunae alluwaḻu baḵon nu angipaigammu'tte Ugud Apudyus, imbabbainna'ḵ Kristu we Apuna.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

1 Corinthians 13:8

Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana.

1 Corinthians 14:29

Awad oḵyan duwa baḵon nu tuḻu we tagu'ḵ an-ugud atta pinion Apudyus ipaigammu. Ḵad da udum ḵan dida angusig nu tuttuwae naḻpu ḵan Apudyus da ngaimane ugudonda.

1 Corinthians 14:32

Ḵad sa naittan atte ḵabooḻane angipaigammu'tta pinion Apudyus, lamognae anupod atte long-agna.

1 Corinthians 9:6

Diḵani ḵamman ḵan Barnabas abus aḵ ḵasapuḻane anḵewaaḻe ippun ḵaḻabbonganni ye maittan aḵ iḵataguni?

Galatians 2:13

Ḵad da udume namati ye Judyu, inunudda bos ḵingwan Peter taḵon ay nu losanda inigammu we daḵampun aḵ ustu ḵoonda. Taḵon ay aḵ Barnabas, naawis woḵ unudona dida.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Philippians 4:22

midoga da losane tagun Apudyus sina'd Rome amod ay da anḵewaaḻ si boḻoy ni Emperor ad Rome.

1 Thessalonians 5:20

ya adiyu bos amsewon da Ugud Apudyus we imbagan da profetana.