Acts 12:10 - Sa Ugud Apudyus

¹⁰ Nilausanda ḵad de ummuna ya sa ḵumagwae guwaḻda, dummatongda si baḻyange lewangane umoyon atte siyudad. Nabuḵtan lawa lewangan woḵ lummawada. Anadtaddaḻanda ḵad si osae ḵaḻsa, baag-en tinenan ni anghel.

Acts 12:10 Iomraidhean Croise

John 20:19

Ḵugḵugab ḵad si sadi ye aḻgawe sa umunae aḻgaw ni sindumingguwan, nidaḵig inggawan da disipulu te maḵimutda'tta Judyu. Nampaila'ḵ Jesus woḵ naḵataḵdog ḵan dida woḵ ḵanana, “Lin-awa oḵyan awad ḵan diḵayu.”

John 20:26

Naḻaḵpus ḵad sindumingguwan, inninggaw os da disipulu'tte boḻoy woḵ inninggaw aḵ Thomas ḵan dida. Nidaḵig onob yaḵon nampaila'ḵ Jesus woḵ naḵataḵdog ḵan dida woḵ ḵanana, “Lin-awa awad ḵan diḵayu.”

Acts 12:4

Pun nadoḵmaan ḵad aḵ Peter, impaibaḻud Herod woḵ paguwaḻdana'tta opate grupun da suḻdadu we nasin-oppatdae ampaspasani. Sa panggobna, maabus ḵad de Gayagayan da Judyu we ngannonda Nallausan, ḵuwisona'ḵ Peter si sinagung da tagu.

Acts 16:26

Pune sadi baag-en inninggaw ampaḵimute lunig woḵ nayyugayug nisaadan ni babaḻḻudan pun daguse naamin nabuḵtan da onob woḵ nauḵayag lawa da ḵawad da losane baḻud.

Acts 5:19

Yaḵon lummabi ḵad, binuḵtan ni anghel Apu onob ni babaḻḻudan woḵ illawana dida woḵ ḵanana,

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.