Acts 11:16 - Sa Ugud Apudyus

¹⁶ Pun inḵagasmoḵḵu imbagan Apu Jesus si awe ye ḵanana, ‘Binonyagan John diḵayu'tte danum yaḵon diḵayu ḵad, mabonyagan ḵayu'tte Ispiritu Santu.’

Acts 11:16 Iomraidhean Croise

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Matthew 3:6

Imbabaggada da basuḻda pun binonyagan John dida'tte tawwang Jordan.

Mark 1:8

Yaḵon saḵon ḵad, bonyagaḵ diḵayu si danum. Siya ḵad, bonyagana diḵayu'tte Ispiritu Santu.”

Luke 24:8

Pun inḵagasmoḵda imbagan Jesus.

Luke 3:16

Ḵanan John ḵan dida, “Bonyagaḵ diḵayu si danum. Yaḵon sa umali ye nangatngatu nu saḵon, bonyagana diḵayu si Ispiritu Santu ḵan apuy. Gapu si ḵinangatuna, naippun labbongḵu we anguḵas si sandalna.

John 1:26

Ḵanan John we summongbat, “Ambonyagaḵ si danume abus yaḵon annat ḵan diḵayu tataḵdoge ippun igammuyu.

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 16:4

Pinagatupan Jesus woḵ ḵanana'tta disipuluna, “Yaḵon imbagaḵ da anna ḵan diḵayu ta maḵwada ḵad si umali ye aḻgaw, iḵagasmoḵyu we imbagaḵ ḵan diḵayu. “Adiḵpun imbaga da anna ḵan diḵayu si laplapu te inninggawaḵ ḵan diḵayu.

Acts 1:5

Te nambonyag aḵ John si danum yaḵon sa sin-aḵitane aḻgaw mabonyaganda'tte Ispiritu Santu.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

2 Peter 3:1

Ay-ayatoḵe buḻbuḻun, annaya ḵumagwae suḻatḵu ḵan diḵayu. Ḵad da annae suḻatḵu, awad de impaspasmoḵḵu ḵan diḵayu ta usaronyu da ampoḻḵas ya tuttuwae ḵasomsomḵanyu.