Acts 11:12 - Sa Ugud Apudyus

¹² Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius.

Acts 11:12 Iomraidhean Croise

Matthew 1:20

Sinomsomoḵna ḵad mipanggob si sana, baag-en nampaila ḵan siya anghel Apudyus si in-inop woḵ ḵanana, “Siḵa Joseph we ganaḵ Ari David, adiḵa maḵimute angiḵamboḻoy ḵan Mary te sa bugina mipagapu si ḵabooḻan ni Ispiritu Santu.

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 10:23

Pun minangilin Peter dida woḵ umiyanda sidi. Mabigat ḵad, naḵalibbat aḵ Peter ḵan dida woḵ nibuḻun os da udume susunud ḵan Kristu we iJoppa.

Acts 10:45

Nataag da namati ye Judyu we nibuḻun ḵan Peter te taḵon ay da Gentil naatod Ispiritu Santu ḵan dida.

Acts 11:13

Imbagana ḵan diḵani inonae nangila si anghel we sisiḵad atte boḻoyna woḵ ḵanana, ‘Angibuunḵa'd Joppa aḵ umoy angayag ḵan Simon we ngannonda Peter.

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 13:4

Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus.

Acts 15:7

Nagangput ḵade nabayag nansosongbatanda, summiḵad aḵ Peter woḵ ḵanana, “Susunud ḵan Kristu, inigammuyu we sa awe, saḵon pinilin Apudyus ḵan ditaḵu'ḵ umoy angiwaḻagawag si Ambaḻu we Damag atta Gentil ta dongngonda ya amatida.

Acts 15:9

Ippun laḵsigon Apudyus ḵan ditaḵu ya dida te pinapoḻḵasna somsomoḵda mipagapu'tte pammatida.

Acts 28:15

Dingngoḻ ḵad ay da susunudni ḵan Kristu ad Rome we inḵani sidi, ummoy diḵani inabot ad Appius we andaḵdaḵngan da tagu ya da udum atte ngannonda Tuḻu we Dadawwosan. Innilan ḵad Paul dida, nanggappiya ḵan Apudyus woḵ nasoḻgag somsomoḵna.

Acts 8:29

Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

2 Thessalonians 2:2

adi oḵyan daguse maḵogway da somsomoḵyu'tta ang-angwa'ḵ ug-uggud ya ibagadae impadtuni baḵon nu insuḻatni ye naabuse dummatong aḻgawe angulinan Apu.

Revelation 22:17

Ḵanan ni Ispiritu ya da tagunae mipani si asaw-on ni Ubbu we Karnero, “Awwaynu.” Ḵad ḵanan oḵyan os ni andodongngoḻ, “On, awwaynu.” Ngaimane mauwaw, umali oḵyan ta uminum atte libli ye danume angitod si biyag.