Acts 10:7 - Sa Ugud Apudyus

⁷ Ummoyon ḵad anghel, inayagan Cornelius da duwae sammiluna ya sa osae suḻdadu we naapudyusan ya anserserbi ḵan siya.

Acts 10:7 Iomraidhean Croise

Matthew 2:13

Napuswidda ḵad, baag-en nampaila anghel Apudyus ḵan Joseph atte in-inop woḵ ḵanana, “Bumangonḵa! Aḻam da an-ina ta umawid ḵayu'd Egypt. Ḵad inggaw ḵayu sidi inggana'ḵ ibagaḵ te annat da ibuun Ari Herod we angngit si abeng ta pagongatna.”

Luke 2:25

Inninggaw maḻmaḻong-ag ad Jerusalem we nangngadan aḵ Simeon. Naun-unane tagu te tinuttuwana Lintog Apudyus ya naapudyusan. Ḵad iinggaw Ispiritu Santu ḵan siya. Nabayage uuwayona dumaḵngan ni Anagu atta ganaḵ Israel.

Luke 3:14

Inninggaw os da suḻdadu we ummoy nan-imus ḵan siya woḵ ḵananda, “Diḵani ḵad, ngai ḵoonni?” Ḵanana ḵan dida, “Adiyu ḵoḻḵogon baḵon nu pabasuḻon da ngaimane tagu ta aḻanyu da pilaḵda ḵad mat-op ḵayu oḵyan os atta tangdanyu.”

Acts 10:6

Awade niḵamboḻoy aḵ ḵuwan da Simon we anḵoḵopya'ḵ laḻat ḵad sa boḻoyna awad si igid ni baybay.”

Acts 10:8

Imbagana ḵan dida da losane naḵwa woḵ imbuunna dida'd Joppa.

1 Timothy 6:2

Ḵad da musassu we namati da ap-apuda, ḵasapuḻane adida oḵyan ḵanane gapu ta ansusunudda ḵan Kristu, sinnamaḻna nu adidapun patgane ustu. Yaḵon ḵasapuḻane amo anserbida ḵan dida te da angapit ḵad si ḵewaaḻda da namati ya da angay-ayat ḵan dida. Ituttudum ḵan iwaḻagawagnu da anna.

Philemon 1:16

Yaḵon inggana sinsadi, daḵampun ogon aḵ musassu lawa, nu adi amo napatpatog nu sa musassu. Siya ampatoge sunud ḵan Apu Jesus. Amo ampatog ḵan saḵon! Ḵad amo dallu we napatpatog ḵan siḵa sinsadi ye musassum ḵan sunudnu ḵan Apu.