Acts 10:42 - Sa Ugud Apudyus

⁴² Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Acts 10:42 Iomraidhean Croise

Luke 16:28

ta bagbagaana da limae sunudḵu ta adida oḵyan os umali si annae igaw ni ummamdane ampaḵaḻaman.’

Luke 22:22

Saḵone Abeng Di Tagu, ḵasapuḻane matoyaḵe mibatay si planun Apudyus atte awe. Yaḵon ḵaddagu tagu we angituyuḵ ḵan saḵon.”

Acts 1:2

inggana si aḻgawe nipangatuwana'd langit. Yaḵon sa daanna mipangatuwan ad langit, innatodna bilinna mipagapu'tte Ispiritu Santu atta apostol we pinilina.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Acts 24:25

Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”

Acts 5:20

“Inḵayu si templo ya ibagayu'tta tagu mipanggob si biyag aḵ inggana.”

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

1 Peter 4:5

Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.