Acts 10:22 - Sa Ugud Apudyus

²² Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 10:22 Iomraidhean Croise

Matthew 1:19

Aḵ Joseph we ḵatuḻagna, naun-unan ya adinapun os pione mibabbain aḵ Mary. Pun simsimmoḵnae isinanae adipun maigammu.

Matthew 2:12

Pune sadi, impain-inop Apudyus ḵan dida woḵ binilinna dida ta adida ogon mipauli ḵan Ari Herod. Pun siya innoyda sabali ye daḻane mipauli'tte ilida.

Mark 6:20

te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

Luke 2:25

Inninggaw maḻmaḻong-ag ad Jerusalem we nangngadan aḵ Simeon. Naun-unane tagu te tinuttuwana Lintog Apudyus ya naapudyusan. Ḵad iinggaw Ispiritu Santu ḵan siya. Nabayage uuwayona dumaḵngan ni Anagu atta ganaḵ Israel.

Luke 23:50

Inninggaw laḻaḵi ye nangngadan aḵ Joseph we iyArimathea we osae ili si probinsiya'd Judea. Siya ḵad, ambaḻu ya naun-unan, pasigna uuwayon dumaḵngan ni ampangatan Apudyus. Osa'tta ḵuḵunsisaḻ yaḵon adipun ummapyu si nan-uunudan da buḻunna ya sa ḵingwada ḵan Jesus.

Luke 9:26

Ngaimane angibain ḵan saḵone Abeng Di Tagu ya da tuttuduḵ, ibainḵu bos dida nu mipauliyaḵ ad luta. Atte sadi ye timpu nu mipauliyaḵ, midayaw aḵ Amaḵ, da anghelna ya saḵon.

John 13:20

Ibagaḵ ḵan diḵayu ḵatuttuwaan, ngaimane angawat atta ibuunḵu, saḵon awatona. Ḵad sa angawat ḵan saḵon, awatona bos nangibuun ḵan saḵon.”

John 17:20

“Daḵampun aḵ abus da anna'ḵ iluwaḻuwaḵ yaḵon iluwaḻuwaḵ os da losane amati ḵan saḵon mipagapu si ituttududa.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 6:63

Sa angitod atte biyag, sa Ispiritu Santu. Naippun lamog ni long-ag itton. Ḵad da inugudḵu ḵan diḵayu, naḻpuda'tte Ispiritu ḵad siya angitod si biyag aḵ inggana.

John 6:68

Ḵanan Simon Peter we summongbat, “Apu, ngai unudonni nu? Annat ḵan siḵa da ugude angitod atte biyag aḵ inggana.

Acts 10:2

Naapudyusan losan da Cornelius we simbaḻyan ya isipogda'ḵ Apudyus. Allaayda'tta ḵapus ya patilayunda alluwaḻu ḵan Apudyus.

Acts 10:21

Pune sadi, lummogsad aḵ Peter woḵ ḵanana'tta sadi ye tuḻu, “Saḵon singtonyu. Ngai ḵad ain panggobyu we ummali sina?”

Acts 10:30

Ḵanan Cornelius, “Opat aḻgaw ḵad naḻaḵpus si nalluwaḻuwaḵ atte sin-ag-agawan, natanaḵdog laḻaḵi ye sumilisiling silupna.

Acts 10:33

Sana gapunae impaayagḵu siḵae dagus, ḵad ambaḻu ta annae ummaliḵa. Pun sinsadi anna ḵani si sinagung Apudyus ta andongoḻ ḵani'tta losane imbilin Apu ḵan siḵae paibagana.”

Acts 10:6

Awade niḵamboḻoy aḵ ḵuwan da Simon we anḵoḵopya'ḵ laḻat ḵad sa boḻoyna awad si igid ni baybay.”

Acts 11:14

Siya angibaga ḵan siḵa ya da losane ḵabaḻyannu'tte inonyu we matagu.’

Acts 22:12

“Inninggaw sidi nangngadan aḵ Ananias we naapudyusane tuttuwaona lintog taḵu ya ambaḻu ḵaugudana'tta losane Judyu we ummili.

Acts 24:15

Namnamaoḵe taguwon Apudyus ḵasin da losane natoy, da naun-unan ḵan adipun naun-unane isun ni namnamaon da annae tagu.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

2 Corinthians 5:18

Losan da sanae imbagaḵ maḻpu ḵan Apudyus. Aḵ Apudyus nangwa'tte mipaḻ-ogan ni maḵabuḻbuḻunan taḵu ḵan siya mipagapu ḵan Kristu. Ḵad innatodna ḵan diḵani ḵewaaḻe angipaḻ-og si maḵabuḻbuḻunan da udume tagu ḵan siya.

1 Timothy 3:7

Ḵasapuḻane ambaḻu ugalina si antotollong da adipun amati ta adi mibabbain ya maḵna si tappoḵ Satan.

Hebrews 10:38

Sa taguḵe naun-unan, matagu mipagapu'tte pammati, yaḵon nu an-awidana saḵon, adiyaḵpun mas-om ḵan siya.”

Hebrews 11:2

Gapu si pammatin da danaḵḵoḻ taḵu si awe, inawatdae inon-onan Apudyus dida.

Hebrews 12:23

Umadani ḵani'tta losane namati ḵan Apudyus we mibelang aḵ panguḻu we abengnae andatdatong. Da nigili da ngadanda'd langit. Ḵad umadani ḵani ḵan Apudyus we anguwis atta losane tagu ya umadani ḵani'tta ḵalidodwan da naun-unane natoye da nambalinona'ḵ ippun angkuranganda.

2 Peter 3:2

Pioḵe iḵagasmoḵyu da impadtun da profeta we nanserbi si awe ya da bilin Apu taḵu ya sa Anagu we impaigammuna ḵan diḵayu mipagapu'tta apostol we nantuttudu ḵan diḵayu.

3 John 1:12

Aḵ Demetrius ḵad, ambaḻu ibagabagan da adu we tagu atte mipanggob ḵan siya ya tuttuwa da sana te maila si antataguna. Panoḵnoḵanni bos mipanggob ḵan siya ya igammume tuttuwa da annae ibagani.

Revelation 14:10

uminumda bos si ampigsae bayas Apudyus we adipun naḵamsan. Sa piona ḵanan mapadasda ummamdane andudusan Apudyus we ippun ḵadaguna te ummamdan sangana. Ḵad ampaḵaḻamda'tte gumilgillayabe apuy ya sa sulfur atte antotollong da anghelna ya sa Ubbu we Karnero.