Acts 1:14 - Sa Ugud Apudyus

¹⁴ Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

Acts 1:14 Iomraidhean Croise

Matthew 12:46

Sissiya ḵad aḵ Jesus we maḵaug-uggud atta tagu, dummatong aḵ inana ya da sunudna. Inninggawda'tte lasin woḵ ummoyda impaayag te piondae maḵaug-uggud ḵan siya.

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

Matthew 27:55

Inninggaw os da adu we bubai ye nan-oottap. Dida da nibuḻun ḵan Jesus we naḻpu'tte probinsiya'd Galilee ye nanserserbi ḵan siya.

Mark 15:40

Inninggaw os da bubai ye nan-oottap. Dida da Mary Magdalene ya aḵ Mary ye inan da Joses ḵan James we nginadananda'ḵ ḵaabengan ya aḵ Salome.

Mark 16:1

Naḻaḵpus ḵad umillongan, ummoy da Mary Magdalene, Salome ya aḵ Mary ye inan James ngummina'ḵ bangbanglu ta umoyda iyappus si ladag Jesus.

Luke 11:13

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton Ispiritu Santu atta anḵodaw ḵan siya?” Sana mungimung ni tutttudun Jesus mipanggob atte luwaḻu.

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Luke 23:49

Yaḵon da losane buḻbuḻun Jesus ya da bubai ye nibuḻune naḻpu'tte probinsiya'd Galilee, summisiḵaddae nan-oottap.

Luke 23:55

Da bubbubai ḵade naḵaoy ḵan Jesus we naḻpu'tte probinsiya'd Galilee, nibuḻunda ḵan Joseph woḵ innilada nangilibonana ḵan Jesus ya sa inonae nangilibon.

Luke 24:10

Sa ngadan ḵad da annae bubai, da Mary Magdalene, Joanna ya aḵ Mary ye inan James. Dida ya da udum ose bubai da ummoy nangibaga'tta apostol atta naḵwa.

Luke 24:33

Pun daguse nipaulida'd Jerusalem. Indasanda da nasawaḻan aḵ ossaane disipuluna ya da udume nandatdatong sidi,

Luke 24:53

Pun inaḻgawe umoyda'tte paway ni templo andaydayaw ḵan Apudyus.

Luke 8:20

Pun ḵanan ni osae nangibaga ḵan Jesus, “Andi'ḵ inam ya da susunudnu'tte lasine pionda maḵaugud ḵan siḵa.”

Acts 2:1

Dummatong ḵad aḻgaw ni Gayagayan da Judyu we ngannonda Pentecost, nandatdatong da namati si osae boḻoy.

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Acts 2:46

Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

Acts 6:4

ya ipapuutni ye alluwaḻu ḵan angiwaḻagawag si Ugud Apudyus.”

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

1 Corinthians 14:13

Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Colossians 4:2

Ipapatiyu we alluwaḻu ḵad ummanyu sosomḵon da panggobyu we iluwaḻu ya anggappiya ḵayu bos ḵan Apudyus.