2 Peter 3:7 - Sa Ugud Apudyus

⁷ Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.

2 Peter 3:7 Iomraidhean Croise

Matthew 10:15

Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Matthew 11:22

Yaḵon ibagaḵ ḵan diḵayu, nu dumatong anguwisan Apudyus atta losane tagu, nadagdagson dusayu nu sa dusan da iTyre ya iSidon.

Matthew 11:24

Yaḵon ibagaḵ ḵan diḵayu we nu dumatong anḵuwisan Apudyus atta losane tagu, nadagdagson dusayu nu da iSodom.”

Matthew 12:36

Ibagaḵ ḵan diḵayu, nu dumatong aḻgawe anḵuwisan Apudyus, awad osa ya songbatana da losane ippun anunae inugudna.

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Mark 6:11

Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.

Romans 2:5

Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu.

1 Corinthians 3:13

Ḵad sa aḻgawe anguwisan Apu atta losane tagu, mipaila ustu we ḵinapatog da ḵingwan ni sin-ossaossa te mapadas si apuy.

Philippians 1:28

ya adi ḵayu maḵimut atta ngaimane sumullagi ḵan diḵayu. Te sa tuḻodyu, sanat sinyale angipail-an Apudyus ḵan didae madusada'ḵ inggana. Ḵad sadi angigammuwandae taguwon diḵayu gapu ḵan Apudyus.

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

1 Timothy 6:9

Yaḵon da tagu we piondae bumaḵnang, allasu we masubsubda ya matappoḵanda'tte dinodong-og ya maḵadadail atte pion ni long-ag. Ḵad siya anadail ḵan angilugut ḵan dida'tte dusae ippun anungusna.

Hebrews 12:29

Te aḵ Apudyus we daydayawon taḵu, nu dusaona da tagu isun ni apuye dagadagona losan.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

2 Peter 3:10

Yaḵon sa mipauliyan Apu mapoḵḵatane isun ni umaliyan ni aḵḵawan atte boḻoy. Sa aḻgaw ose sadi, awad de andangsoḻe aguduud ḵad mawawan ad langit ya mabunas si apuy init, sa soḻag ya da bituwon. Isuna bose masgob luta ya da losane naḵwa si luta.

2 Peter 3:12

si anguuwayanyu si aḻgawe anguwisan Apudyus atta tagu. Iggayu oḵyan ḵabooḻanyu ta pumogos umaliyan ni sanae aḻgaw. Pun tuttuwae sa sanate aḻgaw, masgob langite sa igaw ni init, sa soḻag ya da bituwon ya bunason ni apuy dida.

1 John 4:17

Ḵad nu ḵatti isun ni biyag taḵu, amo madog-an ayat taḵu ta ippun ogon kurangna. Ḵad antaḻgod taḵu si aḻgawe anguwisan Apudyus atta tagu te sa ugali taḵu'tte lubung, isuna bos ugalin Kristu.

Jude 1:7

Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.

Revelation 17:11

Sa ḵaog-ogyat ḵade ayam, siya inninggaw atte awe, naippun sinsadi, siya miḵawaḻu we ari ye mibelang atta pitu. Ḵad aḵ uni umoy atte madusaana'ḵ inggana.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 20:11

Naabus ḵad, innilaḵ daḵodaḵoḻe itaḵe trono ya innilaḵ os tummutuḵdu sidi. Ḵad sa luta ya sa langit, mawawandae isun di umawidda umadayu ḵan siya. Ḵad adidapun ogon maila.

Revelation 21:1

Pun innilaḵ baru we langit ya sa baru we luta te sa ummunae langit ya sa ummunae luta, nawawanda ya sa baybay naippun os ogon.