2 Peter 3:13 - Sa Ugud Apudyus

¹³ Yaḵon awad de inkarin Apudyus we uuwayon taḵu, we sa baru we langit ḵan baru we lutae naun-unan da ugalin da losane iinggaw sidi.

2 Peter 3:13 Iomraidhean Croise

Romans 8:21

te sa umali ye aḻgaw pinanggob Apudyus we mapuḵayan da losane ḵingwana si ḵabooḻan ni lopos ya sa ḵatoy ta midogada si ambaḻu we antatagun da abeng Apudyus.

2 Peter 1:4

Gapu si ḵinadayawna ḵan ḵinabaḻuna, innatodna ḵan ditaḵu da ampapatog ya ambabaḻu we inkarina ta mipagapu'tta sana, miligsi taḵu'tta amaamayon da tagu'tte lubunge anadail ḵan dida ya sa ugali taḵu miyisu ḵan Apudyus.

Revelation 21:1

Pun innilaḵ baru we langit ya sa baru we luta te sa ummunae langit ya sa ummunae luta, nawawanda ya sa baybay naippun os ogon.

Revelation 21:27

Yaḵon naippun maḵaḻnoḵ atta ngaimane ibelang Apudyus aḵ ḵaissawe isun da angwa'tta ampabain ya da losane tuliyan yaḵon abus da nigili da ngadanda si iblun ni Ubbu we Karnero we nigiliyan da awad da biyagda'ḵ inggana'ḵ maḵwae lumnoḵ.