2 Peter 3:1 - Sa Ugud Apudyus

¹ Ay-ayatoḵe buḻbuḻun, annaya ḵumagwae suḻatḵu ḵan diḵayu. Ḵad da annae suḻatḵu, awad de impaspasmoḵḵu ḵan diḵayu ta usaronyu da ampoḻḵas ya tuttuwae ḵasomsomḵanyu.

2 Peter 3:1 Iomraidhean Croise

Matthew 5:8

Pian da tagu we ipapatidae ustu sosomḵon aḵ Apudyus te aaddi ye ilanda'ḵ Apudyus si umali ye aḻgaw.

2 Corinthians 13:2

Sa pigwan ni ummaliyaḵ sinat, binagbagaaḵ da naḵabasuḻ si awe ya da udum ta iginoḵda da ḵoḵoḵḵonda. Ḵad sa sanae ippunaḵ ḵan diḵayu, ḵasinḵu bos bagbagaan didae naippun maḵailigsi si madusaanda si ḵasine umaliyaḵ nu adidapun ingginoḵ da ḵoḵoḵḵonda.

1 Timothy 5:22

Adim oḵyan ḵamḵammuwone andutuḵ atte ngaimane mabigbige angipangpangu'tta namati. Te nu maigammuwane naḵabasuḻ sadi ye tagu, madusaḵa'tte basuḻna. Ummam ta adiḵa maḵabasuḻ.

2 Timothy 1:6

Pun siya gapunae paiḵagasmoḵḵu ḵan siḵa ta usarom ḵabooḻame innatod Apudyus si nangipatayaḵ atte imaḵe nangiluwaḻu ḵan siḵa.

Hebrews 6:9

Taḵon ay nu ḵaḵna nan-uugudni ay-ayatonni ye buḻbuḻun, antaḻgod ḵani ḵan diḵayu. Te igammuni ye ambaḻu ḵasasaadyu we annamnama si mataguwanyu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

2 Peter 3:14

Pun ay-ayatoḵe buḻbuḻun, gapu ta sana uuwayon taḵu, igga taḵu ḵabooḻan taḵu ta pumoḻḵas taḵu ya ippun ḵadellawan taḵu'tte antotollong Apudyus ya allin-awa maḵabuḻbuḻunan taḵu ḵan siya.

2 Peter 3:17

Diḵayu ḵade ay-ayatoḵe buḻbuḻun, inabusḵu imbagabaga ḵan diḵayu mipanggob atta tagu we angituttudu si daḵampun aḵ tuttuwa. Pun ummanyu ta adi ḵayu maallelaw si nankamaliyanda ya uni ḵad umadayu ḵayu si ampigsae pammatiyu,

2 Peter 3:8

Yaḵon annaya ḵasapuḻane adiyu maliwatan, ay-ayatoḵe buḻbuḻun. Sa ḵasomsomḵan Apudyus atte ḵaandun ni sin-aḻgawe abus, isuna sillibu we tawon ya sa sillibu we tawon isuna sin-aḻgaw.

Jude 1:5

Sinsadi pioḵ paiḵagasmoḵ annae iniiggammuyu we ustu mipanggob si nanusaan Apudyus atta tagu we naḵabasuḻ si awe ḵad ibagaḵ ḵan diḵayu mipanggob si nanaguwana'tta taguna si nangipuyutana ḵan didae nanenan ad Egypt yaḵon sibotna ḵad dinusana da adipun namati woḵ nanḵaḵatoyda.