2 Peter 2:6 - Sa Ugud Apudyus

⁶ Dinusan os Apudyus da siyudad ad Sodom ḵan Gomorrah. Te singgobna da tagu ya da ilida inggana'ḵ dummapuḻda ya nambalinona dida'ḵ ampaniyan da adipun amati ḵan siya.

2 Peter 2:6 Iomraidhean Croise

Matthew 10:15

Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Matthew 11:23

“Diḵayu ḵade iCapernaum, sosomḵonyu ḵad aine midayaw ḵayu'd langit? Naid! Sa maḵwa, aaddi ye miballu ḵayu'd Hades, sa igaw da natoye madusaanyu! Te nu ad Sodom oḵyan nangwaaḵ atte nakaskasdaawe isun da ḵingwaḵ atta iliyu, dagus nine nambabawida'tta basuḻda ya adimpun nin oḵyan Apudyus dinadail ilida ḵad awad oḵyane sissiya'd Sodom sina inggana sinsadi.

Romans 9:29

Isun os ni imbagan Profeta Isaiah we ḵanana, “Aḵ Apudyus we maḵabooḻ, nu ippun binun-ana'ḵ ganaḵ taḵu, isu taḵu oḵyan da tagu'd Sodom ya Gomorrah.”

1 Corinthians 10:11

Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Jude 1:15

ta umoyna ḵuwison da losane tagu. Dusaona da losane ḵabasbassuḻane adipun naapudyusan gapu'tta losane ḵingwadae lawweng ya da losane ampaite imbagada si nanullagiyanda ḵan siya.”

Jude 1:7

Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.