2 Peter 2:3 - Sa Ugud Apudyus

³ Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

2 Peter 2:3 Iomraidhean Croise

Matthew 23:14

“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.

Luke 18:8

Annaya ibagaḵ ḵan diḵayu, ittonae dagus ḵan dida ḵalintoganda. Yaḵon mipauliyaḵ ḵade Abeng Di Tagu, awad ḵamman odasaḵ aḵ amati ḵan saḵon sina'd luta?”

Luke 20:20

Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Luke 22:47

Sissiya ḵad aḵ Jesus we maḵaug-uggud atta disipuluna, nadanatong da adu we tagu we impuyut Judas we osa'tta nasawaḻan aḵ duwae disipuluna. Ummadani ḵan Jesus ta ogoḵanae isun di pakumustaona ta mipailae ambuḻbuḻunda.

John 2:16

Ḵanana bos atta allaḵu'ḵ kalapati, “Ḵaanonyu da sanat si anna! Adiyu ambalinon aḵ lalaḵḵuwan boḻoy Amaḵ!”

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

2 Corinthians 2:17

Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.

1 Thessalonians 2:5

Iniiggammuyu we daḵampun paat aḵ nan-uḻ-uḻnug ḵani ya aḵ Apudyus anaḵdoḻe daḵampun paat aḵ an-ugud ḵani ta awad maganabni.

1 Thessalonians 5:3

Ḵanan ḵad da tagu, “Allin-awa ḵani ya ippun ambinsawanni,” nadanatong dusae itton Apudyus ḵan didae isuna mapoḵḵatane sumigab buwang ni bubai ye anggumut. Ḵad naippun ossaan aḵ maḵaawid.

1 Timothy 3:3

Daḵampun aḵ bartekero, gumugulu yaḵon naanus, daḵampun aḵ subbogan ya daḵampun aḵ ḵamommod si pilaḵ.

1 Timothy 3:8

Isun da deacon, ḵasapuḻane labbongdae mapatgan ḵan maun-unan an-uugudda. Ḵasapuḻan ose adida bartekero baḵon nu ḵamommod si pilaḵ.

1 Timothy 6:5

ya patilayune susubog. Ḵaḵnat te lummaweng somsomoḵda ya naliwatanda ḵatuttuwaan. Te sa ḵananda, sa naapudyusane biyag gapun ni bumaḵnangan.

Titus 1:11

Ḵasapuḻane paginḵona dida te dumadailda'tta pammatin da amode baḻyan, gapu si angituttuduwanda'tta daḵampun oḵyan aḵ mituttudu. Sa panggobdae angwa'tte ḵaḵna, ampabain te sa pilaḵe abus gagamgamanda.

Titus 1:7

Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.

1 Peter 5:2

Annaya da bilinḵu ḵan diḵayu. Ummanyu ayyuwanan da tagun Apudyus we intaḻgodna ḵan diḵayu we isudan karnero. Adi ḵayu oḵyan mapattupattut yaḵon allaylayad ḵayu oḵyane angayyuwan ḵan dida te sadi pinion Apudyus. Ḵoonyu ḵewaaḻyu we daḵampun aḵ gapu si angamgamanyu si pilaḵ yaḵon gapu si ayatyu we anserbi ḵan Apudyus ya da buḻunyu.

2 Peter 1:16

Te sa impaigammuni ḵan diḵayu mipanggob si ḵabooḻan Apu taḵu we Jesu Kristu ya sa ḵasinna umaliyan, adinipun imbatay atta daḵampun aḵ tuttuwae ug-uggud da nalalaing ḵan nasiḵape tagu. Te diḵani ye mismu nangila si ḵinangatuna ya sa ḵinaapudyusna.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

Jude 1:11

Ḵaddaguda te gattoḵe ampaḵimut dusada! Te unudonda lawwenge ugalin Cain, ḵad sa basuḻda isuna basuḻ Balaam we ḵamommod si pilaḵ ya sullagiyonda bos da angipangpangu ḵan didae isun ni ḵingwan Korah ḵan Moses atte awe. Gapu'tta ḵoḵoḵḵonda, madusada'ḵ ingganae isun ni dusan Korah.

Jude 1:15

ta umoyna ḵuwison da losane tagu. Dusaona da losane ḵabasbassuḻane adipun naapudyusan gapu'tta losane ḵingwadae lawweng ya da losane ampaite imbagada si nanullagiyanda ḵan siya.”

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Jude 1:7

Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.